මේ වන විට ලොව ධනවත්ම පුද්ගලයා ලෙස හැඳින්වෙන ඉලෝන් මස්ක් ට්විටර් සමාජ මාධ්‍ය ජාලය නිල වශයෙන් මිලදී ගෙන තිබෙනවා.
තම නිල ට්විටර් ගිණුමේ සටහනක් තබමින් ඔහු සඳහන් කරන්නේ ට්විටර් සමාජ මාධ්‍ය ජාලය මිලදී ගැනීම වෙනුවෙන් සිදු වූ ඇමෙරිකානු ඩොලර් බිලියන 44ක ගණුදෙනුවකින් එය අවසන් වූ බවයි.
පසුගිය අප්‍රේල් මාසයේ දී පළමුවරට ඉලෝන් මස්ක් විසින් ට්විටර් සමාගම ඩොලර් බිලියන 44කට මිලදී ගැනීමට සුදානම් වූ නමුත් එහි කොටස් සම්පුර්ණ කිරීමට සහ විවිධ නීතිමය බලපෑම් හේතුවෙන් එය ප්‍රමාද වුණා.
විදෙස් මාධ්‍ය වාර්තා කරන්නේ ඉලෝන් මස්ක් බහුතර කොටස් සියල්ල මිලදී ගෙන එම ගණුදෙනුව අවසන් කර ඇති බවයි.
කෙසේ වෙතත් සමාගමේ අයිතිය තහවුරු කර ගැනීමෙන් අනතුරුව ඉලෝන් මස්ක් විසින් එම ආයතනයේ ප්‍රධාන විධායක නිලධාරීවරයා සහ ප්‍රධාන මුල්‍ය නිලධාරියා සේවයෙන් ඉවත් කර ඇති බවයි වැඩිදුරටත් වාර්තා වන්නේ.
