ඇල්පිටිය ප්රාදේශීය සභාවේ පොහොට්ටු සභාපතිවරයා විසින් අද (18) දෙවන වරටත් සභාවට ඉදිරිපත් කරන ලද 2024 අය වැය ලේඛනයට පොහොට්ටුවේ උපසභාපතිවරයා හා එම කණ්ඩායමේ මන්ත්රිවරු හත් දෙනෙකු ඇතුළු විපක්ෂ මන්ත්රිවරු 19 දෙනෙකු විරුද්ධව ජන්දය ප්රකාශ කර වැඩි ජන්ද 9කින් පරාජයට පත් කරනු ලැබුවා.
ඒ අනුව, කරුණාසේන පොන්නම්පෙරුම මහතාගේ සභාපතිධූරය අද සිට අහෝසි වී තිබෙනවා.
මෙම සභාවේ කොට්ඨාස 17 නියෝජනය කරමින් තේරි පත්වූ පොදුජන පෙරමුණේ මන්ත්රිවරු 17 දෙනෙකු සිටින අතර, එක්සත් ජාතික පක්ෂයෙන් තේරි පත්වූ මන්ත්රිවරු 07 දෙනෙකු, එක්සත් ජනතා නිදහස් සන්ධානය නියෝජනය කරමින් පත්වූ මන්ත්රිවරු 03 දෙනෙකු සහ ජනතා විමුක්ති පෙරමුණෙන් තේරි පත්වූ මන්ත්රිවරු 02ක්ද මෙය නියෝජනය කරනවා.