ඉන්ධන මිලදී ගැනීම සඳහා රාජ්ය බැංකු දෙකකින් ලබා ගත් ණය සඳහා පොලී ගෙවීම වෙනුවෙන් පෞද්ගලික ණය දෙන ජ්යාත්යන්තර ආයතනවලින් ඇමරිකානු ඩොලර් බිලියනයක ණය මුදලක් ලබා ගැනීමට රජය තීරණය කර ඇතැයි බලශක්ති අමාත්යාංශයේ ජ්යෙෂ්ඨ නිලධාරියකු පැවසූ බව සන්ඩේ ටයිම්ස් පුවත්පත වාර්තා කරනවා.
ඒ අනුව ඛනිජ තෙල් සංස්ථාව විසින් මහජන බැංකුව සහ ලංකා බැංකුව වෙත ගෙවිය යුතු ඇමරිකානු ඩොලර් මිලියන 2081 ක පොලී මුදල ගෙවීම සඳහා අදාළ අරමුදල භාවිතා කරන බව අමාත්යාංශ ලේකම් කේ.ඩී.ආර් ඔල්ගා මහත්මිය සඳහන් කර ඇත.
එමෙන්ම ඛනිජ තෙල් නීතිගත සංස්ථාවට ඇමරිකානු ඩොලර් බිලියනයක ණය මුදලක් ලබා ගැනීම සඳහා දැනටමත් අමාත්යාංශය ණය දෙන ආයතනවලින් ඉල්ලීම් 9 ක් සිදු කර ඇති බවයි එම පුවත්පත වාර්තා කරන්නේ.
මෙම යෝජනා ඇගයීම සඳහා කමිටුවක් පත් කර ඇති අතර එම කමිටුවට අමාත්යාංශ ලේකම් කේ.ඩී.ආර්. ඔල්ගා, භාණ්ඩාගරයේ නියෝජ්ය ලේකම් සමන් ප්රනාන්දු ,ඛනිජ තෙල් නීතිගත සංස්ථාවේ කළමනාකරණ අධ්යක්ෂ බුද්ධික රුවන් මඩිහහේවා යන මහත්ම මහත්මීන් ඇතුළත් වේ.
ඒ සඳහා ඇගයීමේ ක්රියාවලිය ඉදිරි සතියේ ඇරඹීමට නියමිතය.