ඇෆ්ගනිස්තානයේ කාන්තා ලයිට්වේට් බොක්ෂිං ශූරියක් වන සීමා රිසායි එරට අතහැර පළාවිත් තිබේ.
ඇය සදහන් කරන්නේ බොක්ෂිං ක්‍රීඩා පුහුණුවීම්වල නිරත වුවහොත් මරා දමන බවට තලේබාන් සංවිධානය තමන්ට තර්ජනය කළ බවයි.
ඇය සදහන් කරන ආකාරයට තලේබාන් සංවිධානය කාබුල් නුවර බලය අත්පත් කරගන්නා අවස්ථාවේ ඇය සිය පුහුණුකරු සමග පුහුණුවීම්වල නිරතව සිට ඇත.
එහි පැමිණි තලේබාන් සාමාජිකයන් පිරිමින් සමග පුහුණුවීම්වල නිරත වන මෙම ක්‍රීඩාව අතහැර වහාම නිවසට යන ලෙස ඇයට දැනුම් දී තිබේ.
පසුව ඇය සොයා නිවසට පැමිණි තලේබාන් සාමාජිකයන් බොක්ෂිං ක්‍රීඩාව නවතා දමන ලෙස ලිඛිත දැනුම්දීමක් සිදුකර ඊට අවනත වුවහොත් මරා දමන බවට තර්ජනය කළේ යැයි සීමා රිසායි හෙළි කර තිබේ.
මේ හේතුවෙන් තමන් පවුලේ සාමාජිකයන් හැර දමා කටාරය වෙත පැමිණි බවත් වෙනත් රටකට ගොස් බොක්ෂිං ක්‍රීඩාවේ නිරතවීම තම අභිලාෂය බවත් ඇය තවදුරටත් සදහන් කර ඇත.
