ක්රිකට් පිටියට නව නිපැයුමක් ලෙස ස්මාර්ට් පන්දුවක් එක්ව තිබෙනවා.
සාම්ප්රදායික ක්රිකට් පන්දුව වෙනුවට ‘සපොර්ට්කොර්’ සමාගම සහ ‘කොකබුරා’ සමාගම එක්ව නිපදවා ඇති මෙම ස්මාර්ට් පන්දුව මෙවර කැරිබියන් ප්රිමියර් ලීග් (CPL 2021) තරගාවලිය සඳහා භාවිතා කිරීමට අපේක්ෂිත බවයි වාර්තා වීමත් සමඟ මීට විශේෂ ජාත්යන්තර අවධානයක් හිමිව තිබෙනවා.
මෙම පන්දුව තුල සවිකර ඇති ඉලෙක්ට්රොනික පරිපථය සහ එහි සංවේදක මගින් පන්දුවේ වේගය, පන්දුව කැරකෙන වට ගණන මෙන්ම පන්දුවෙන් ජනනය කරන බලය ද ඒ මොහොතේම ගණනය කර එම තොරතුරු පරිගණකයක්, ස්මාර්ට් දුරකතනයක් හෝ ස්මාර්ට් ඔරලෝසුවක් ඔස්සේ නිරීක්ෂණය කළ හැකියි.
පරිඝණක හෝ ජංගම දුරකථන යෙදවුමක් මගින් තොරතුරු ලබා ගැනීම සක්රිය කළ හැකි අතර පන්දුව යොමු කිරීමෙන් අනතුරුව තත්වපර 5ක් වැනි කෙටි කාලයකදී සියළු තොරතුරු ලබාදීම මෙහි විශේෂත්වයක්.
කෙසේ නමුත් මෙම ස්මාර්ට් පන්දුවේ හැසිරීම සාමාන්ය පන්දුවකින් වෙනස් නොවන නිසා එය තරඟය සඳහා බලපෑමක් නොකරන බවයි කොකබුරා සමාගම පවසන්නේ. එමෙන්ම, මේ හරහා ක්රිකට් විශ්ලේෂකයින්ට වැඩි වාසියක් සැලසෙන බවත් ඔවුන් පවසනවා.
කෙසේ නමුත්, මෙහි අභ්යන්තරයේ ඇති බැටරිය නැවත ආරෝපණය කළ නොහැකි වීමත් එහි ආයු කාලය පැය 30ක් පමණ වීමත් මෙහි ඇති එක් අවාසියක්.