මහා පරිමාණ‍යෙන් සීනි තොග සඟවා සිටින වංචාකාරී වෙළඳුන්ගෙන් රජයට පවරා ගන්නා සීනි තොග වල වටිනාකම ඔවුන්ට ගෙවන්නේ ඔවුන්ව යහමගට ගැනීමේ ක්‍රියාවලියේ පියවරක් ලෙසට බව පොදුජන පෙරමුණේ ජාතික ලැයිස්තු මන්ත්‍රී, මහාචාර්ය රංජිත් බණ්ඩාර මහතා පවසනවා.
ඒ, ඊයේ (02) පොදුජන පෙරමුණේ කාර්යාලයේ පැවති මාධ්‍ය හමුවේදී මාධ්‍යවේදීන් විමසූ ප්‍රශ්න වලට පිළිතුරු දෙමින්.
සීනි ආනයනකරුවන් සඟවාගෙන සිටින මහා පරිමාණ සීනි තොග රජයට පවරාගෙන ජනතාවට අලෙවි කිරීමේ වැඩපිලිවෙලට රජය මැදිහත් වන්නේ පෞද්ගලික අංශයේ ව්‍යාපාර බිඳවැට්ටවීමේ අරමුණින් නොවන බවත් එබැවින්, තොග සඳහා නිසි වටිනාකම ඔවුන්ට ලබාදිය යුතු බවත් ඔහු පවසනවා.
මෙම ක්‍රියාවලියේ අරමුණ වන්නේ වැරදිකරුවන් නිවැරදි මාවතට රැගෙන ඒම පමණක් බවයි ඔහු පෙන්වා දෙන්නේ.
අදාල වැරදිකරුවන්ට එරෙහිව නීතිය ක්‍රියාත්මක වනු ඇති නමුත් ඔවුන්ගේ ව්‍යාපාර වැට්ටවීමට රජයේ බලාපොරොත්තුවක් නොමැති බවත් රංජිත් බණ්ඩාර මහතා අවධාරණය කර සිටිනවා.
එමෙන්ම, සීනි ආනයන බදු ශත 25 ක් දක්වා අඩුකර ඇති බැවින් රුපියල් 110 ක් හෝ ඊට වඩා අඩු මිලකට සීනි අලෙවි කළ හැකි බවත් ඔහු පෙන්වා දෙනවා.
