නව ජනාධිපති ලේකම්වරයා ලෙස පත්වූ ගාමිණී සෙනරත් මහතා අද (19) පෙරවරුවේ ජනාධිපති ගෝඨාභය රාජපක්ෂ ඉදිරියේදී වැඩ භාර ගැනීමට නියමිතයි.
මීට පෙර ආචාර්ය පී.බී ජයසුන්දර මහතා ජනාධිපති ලේකම් ධුරයෙහි කටයුතු කළ අතර පසුගියදා ඔහු සිය ධූරයෙන් ඉල්ලා අස්වුණා.
පී.බී. ජයසුන්දර මහතා හට විවිධ පාර්ශව වලින් චෝදනා රැසක් එල්ලවූ අතර කර්මාන්ත අමාත්‍ය විමල් වීරවංශ මහතා ඔහුව හැදින්වූයේ ‘ආර්ථික ඝාතකයා’ ලෙසයි.
ගාමිණී සෙනරත් මහතා මීට පෙර අග්‍රාමාත්‍ය ලේකම්වරයා ලෙස කටයුතු කළා.
ඊට පෙර ඔහු ආගමන විගමන දෙපාර්තමේන්තුවේ නියෝජ්‍ය පාලක, මෝටර් රථ ප්‍රවාහන දෙපාර්තමේන්තුවේ කොමසාරිස්, අග්‍රාමාත්‍ය අතිරේක ලේකම්, අග්‍රාමාත්‍ය කාර්ය මණ්ඩල ප්‍රධානී, අග්‍රාමාත්‍ය ලේකම්, ජනාධිපති කාර්ය මණ්ඩල ප්‍රධානි යන තනතුරු හොබවනු ලැබූවා.
