21 වැනිදා පාසල් ආරම්භ වන විට එය නව ආම්භයක් ලෙස සලක කටයුතු කරන ලෙස විදේශ කටයුතු අමාත්‍ය මහාචාර්ය ජී.එල්.පීරිස් මහතා ඊයේ (18) ශ්‍රී ලංකා පොදුජන පෙරමුණේ ප්‍රධාන කාර්යාලයේදී පැවති මාධ්‍ය හමුවේදී පවසා සිටියා.
රජයේ අදායම් මාර්ග සම්පූර්ණයෙන්ම පාහේ සිඳී ගොස් ඇති අවස්ථාවක ගුරු-විදුහල්පති වැටුප් ගැටලුව සඳහා දිය හැකි උපරිම සහනය ලබා දී ඇති බවයි ඔහු පවසන්නේ.
ගුරුඅරුන් විසින් දයාවෙන් යුතුව දරුවන් වෙත අධ්‍යාපනය ලබාදීම මෙරට සංස්කෘතියේ කොටසක් බවත් එබැවින් 21 වැනිදා පාසල් වෙත පැමිණ ඉගැන්වීමේ කටයුතු ආරම්භ කරන ලෙසත් ඔහු ගුරුවරුන්ගෙන් ඉල්ලා සිටිනවා.
කෙසේ නමුත්, ලබන 21 සහ 22 යන දෙදින සේවයට වාර්තා නොකර සිටීමට තීරණය කළ බවයි ගුරු – විදුහල්පති වෘත්තීය සමිති සන්ධානය ඊයේ දින පවසා සිටියේ.
ගුරු – විදුහල්පති වෘත්තීය සමිති එක්ව කොළඹ කොටුවේ පිහිටි ගුරු මැදුර ශාලාවේදී අද පෙරවරුවේ පැවැත්වූ රැස්වීමකින් අනතුරුව ඔවුන් පවසා සිටියේ 25වන සඳුදා සිට සුපුරුදු පරිදි ඉගැන්වීම් කටයුතු වල යෙදෙන බවයි.
