සෑම ජාතියක්ම තම සංස්කෘතිය ආරක්ෂා කළ යුතු බවත් එය විනාශ කිරීමට හෝ විකෘති කිරීමට උත්සාහා ගන්නා පුද්ගලයින්ට එරෙහිව දැඩි දඩුවම් ලබා දියයුතු බවත් පැල්පොළ විපස්සී ජාත්යන්තර පදනමේ නිර්මාතෘ අග්නිදිග ආසියානු කලාපයේ සංඝනායක පැල්පොළ විපස්සී නාහිමියන් පවසනවා.
උන්වහන්සේ පවසන්නේ, මුස්ලිම් ආගමට අපහාස කළ බවට චෝදනා එල්ල කරමින් බොදුබල සේනා සංවිධානයේ නායක ගලගොඩඅත්තේ ඥාණසාර හිමියන්ට සිරඳඩුවම් ලබාදීමට අධිකරණය පියවර ගත්තා හා සමානව සිංහල සංස්කෘතිය විකෘති කරන පුද්ගලයින්ටද දඩුවම් ලබා දියයුතු බවයි.
අපගේ වසර 2500කට අධික උරුමයක් ඇති සංස්කෘතිය සහ ජන උරුමයන් විනාශ කිරීමට ඉතාමත් සූක්ෂම ලෙස විවිධ පිරිස් උත්සාහා ගන්නා බව උන්වහන්සේ සඳහන් කළා.
ඒ අනුව වහාම ඊට විරුද්ධව ජනාධිපති රනිල් වික්රමසිංහ මහතා ඇතුළු වත්මන් රජය නැගී සිටිය යුතු බව පැල්පොළ විපස්සී හිමියන් පවසනවා.
ජපානය තම සංස්කෘතිය හා දේශීය උරුමය රැකගැනීම සඳහා ගනු ලබන පියවර ඊට කදිම ආදර්ශයක් බවද උන්වහන්සේ වැඩිදුරටත් සදහන් කළා.