වත්මන් අග්‍රාමාත්‍යවරයාගේ ප්‍රතිපත්ති සහ ශ්‍රී ලංකා පොදුජන පෙරමුණේ ප්‍රතිපත්ති අතර ගැලපීමක් නොමැති බව පාර්ලිමේන්තු මන්ත්‍රී ඉන්දික අනුරුද්ධ පවසනවා.
ඒ, ඊයේ (06) දින පාර්ලිමේන්තුව අමතමින්.
ජනාධිපති ගෝඨාභය රාජපක්ෂ හට දූෂණ වංචා දෝදනා නොමැති බවත් රට දියුණු කිරීම සඳහා අරමුණු සහ ඉලක්ක ජනාධිපතිවරයා විසින් පෙන්වා දුන් විට ඇතැමුන් ඒවා නොරිස්සූ බවත් ඔහු පෙන්වා දෙනවා.
රනිල් වික්‍රමසිංහගේ ප්‍රතිපත්ති සිය පක්ෂයේ ප්‍රතිපත්ති සමඟ නොගැලපුණු නමුත් විකප්ල්පයක් සෙවීමට අවශ්‍යව තිබූ නිසා තමන්ට සිටි ඉස්තරම්ම අග්‍රාමාත්‍යවරයා වන මහින්ද රාජපක්ෂව පසෙකින් තැබීමට සිය පක්ෂයට සිදුවූ බවයි ඔහු පවසන්නේ.
එසේ ඉවත් වුවත් හිටපු අග්‍රාමාත්‍ය මහින්ද රාජපක්ෂ සෑම පාර්ලිමේන්තු ඡන්දයකදීම සිය ඡන්දය නිරහංකාරව පල කළ බවත් ඉන්දික අනුරුද්ධ අවධාරණය කරනවා.
