වසර 8කට පසු දකුණු අප්රිකාවට එරෙහිව එක්දින තරගාවලියක් ජයගැනීමට ශ්රී ලංකා කණ්ඩායම අද (07) සමත් වුණා.
ඒ දෙරට අතර පැවති තුන්වන එක්දින තරඟය ලකුණු 78 කින් ජයගනිමින්.
කොළඹ ආර්.ප්රේමදාස පිටියේ පැවති තරඟයේ කාසිය වාසිය දින දසුන් ශානක පළමුව පන්දුවට පහරදීමට තීරණය කල අතර ඒ අනුව ශ්රී ලංකා කණ්ඩායම නියමිත පන්දුවාර 50 තුළ ශ්රී ලංකා ඉනිම කඩුලු 9 ක් දැවී ලකුණු 203කට සීමා වුණා.
මෙම තරඟයේදීත් පිතිකරුවෙක් ලෙස සිය වගකීම මැනවින් ඉටු කළ චරිත් අසලංක ලකුණු 47ක් ලබා ගත්තා.
ධනංජය සිල්වා ලකුණු 31යි.
පන්දු යැවීමේදී කේශව් මහරාජ් ලකුණු 38ට කඩුලු 3ක් දවා ගත්තා.
පිළිතුරු ඉනිම ක්රීඩාකළ දකුණු අප්රිකානු කණ්ඩායම පන්දුවාර 29යි පන්දු 5කදී ලකුණු 125 කට සීමා කිරීමට ශ්රී ලංකා පන්දු යවන්නන් සමත් වුණා.
ඒ අනුව ශ්රී ලංකා කණ්ඩායම ලකුණු 78කින් තරඟය ජයගත්තා.
විශිෂ්ට පන්දු යැවීමක නිරත වූ සිය මංගල තරගයට ක්රීඩා කළ මහීෂ් තීක්ෂණ ලකුණු 37කට කඩුලු 4 ක් දවා ගත්තා.
තමන් යැවූ පළමු පන්දුවෙන්ම ජනමන් මලාන් දවා ගත් තීක්ෂණ එවැනි දස්කමක් කළ සිව්වන ශ්රී ලාංකික පන්දුයවන්නා ලෙස වාර්තා පොත් අතරට එක් වුණා.
තරඟ තුනකින් සමන්විත එක්දින තරඟාවලිය ශ්රී ලංකාව ජයගත්තේ තරඟ 2-1ක් ලෙසින්.
ශ්රී ලංකා කණ්ඩායම ජාත්යන්තර එක්දින තරඟාවලියක් ජයගත්තේ වසරකුත් මාස 7කට පසුවයි.
එමෙන්ම දකුණු අප්රිකාවට එරෙහිව තරඟාවලියක් ජයගත්තේ වසර 8කට පසුව වීම විශේෂත්වයක්.
දුෂ්මන්ත චමීර තරඟයේ වීරයා ලෙස සම්මාන ලබද්දී තරඟාවලියේ වීරයා ලෙස චරිත් අසලංක සම්මානයට පාත්රා වුණා.