අවශ්‍ය නම් චීනය සමඟ එළැඹි ගිවිසුම අවලංගු කොට හම්බන්තොට වරාය නැවත මෙරටට ලබා ගැනීමට හැකි බව එක්සත් ජාතික පක්ෂයේ නායක, පාර්ලිමේන්තු මන්ත්‍රී රනිල් වික්‍රමසිංහ මහතා පවසනවා.
ඒ, 2022 අයවැය කාරක සභා අවස්ථාවේ විවාදයේදී අද (02) පාර්ලිමේන්තුවේදී සමගි ජන බලවේගයේ පාර්ලිමේන්තු මන්ත්‍රී තිස්ස අත්තනායක මහතා පළ කළ අදහසකට පිළිතුරු ලබා දෙමින්.
හම්බන්තොට වරාය බදු දී තිබෙන්නේ අවුරුදු 70ට පමණක් නමුත් එය නැවත පවරා ගැනීමට හැකියාවක් ඇති බව ඔහු පවසනවා.
කෙසේ නමුත් මීට පිළිතුරු දෙමින් වරාය හා නාවික අමාත්‍ය රෝහිත අබේගුණවර්ධන මහතා පවසා සිටියේ වරාය බදු දී තිබෙන්නේ අවුරුදු 70ට නොව අවුරුදු 99ට බවත් හිටපු අග්‍රාමාත්‍යවරයා සඳහන් කරන ආකාරයෙන් අදාල ගිවිසුම් එක රැයකින් ඉරා දැමීමට නොහැකි බවත් ය.
