මෙවර ගිම්හාන විදේශ භාෂා අධ්යයන පාඨමාලාව යටතේ මැන්ඩරින් භාෂාව හැදැරීම සදහා සිය සිසුන් චීනය වෙනුවට තායිවානයට යොමු කිරීමට ඇමරිකාවේ සුප්රකට හාවඩ් විශ්ව විද්යාලය තීරණය කර තිබේ.
විදෙස් වාර්තා සදහන් කළේ මෙය ඇමරිකාව සහ චීනය අතර පවතින ජාත්යන්තර බල දේශපාලන අර්බුදය තවත් ක්ෂේත්ර කරා ව්යාප්තවීමක් ලෙසයි.
හාවඩ් විශ්ව විද්යාලයේ සිසුන්ව ගිම්හාන සමයේදී චීනයට යවා මැන්ඩරින් භාෂාව ඉගෙනීමට අවස්ථාවක් ලබාදීම 2004 වර්ෂයේ සිට ක්රියාත්මක වූ වැඩසටහනකි.
මෙවර ඒ සදහා සුදුසුකම් ලබා සිටින සිසුන් 60 දෙනෙකු චීනය වෙනුවට තායිවානයේ ජාතින විශ්ව විද්යාලය වෙත යැවීමට හාවඩ් බලධාරීන් තීරණය කර තිබේ.
මෙම තීරණයට හේතුව චීනය විසින් නිසි ලෙස සත්කාරත්වය සදහා ඉදිරිපත් නොවීම බව හාවඩ් විශ්ව විද්යාලය ප්රකාශ කර ඇතත් මෙය දේශපාලන ගැටලුවක් බව විදෙස් වාර්තා වැඩිදුරටත් සදහන් කරයි.