තමන්ට ජනාධිපති වීමට හැකි වූයේ ඉත්තෑපානේ ධම්මාලංකාර හිමියන්ගේ අවවාද නිසා බව ජනාධිපති රනිල් වික්රමසිංහ පවසනවා
ජනාධිපතිවරයා මේ බව ප්රකාශ කළේ, ඊයේ (07) දින ආචාර්ය ඉත්තෑපානේ ධම්මාලංකාර මහ නා හිමියන් බැහැදුටු අවස්ථාවේදීයි.
“මං මෙතන රටේ ජනාධිපති හැටියට, මෙතෙනට එන්න පුළුවන් වුණේ ඔබ වහන්සේ දුන්න අවවාද නිසා. නැත්තම් මං මෙතැන්ට එන්න වෙන්නේ රනිල් වික්රමසිංහ හැටියට. අගමැති තනතුර ගන්නාවාද නැද්ද හිටපු අවස්ථාවේ ඔබවහන්සේ කිව්වා, අනික් ඒවා පැත්තකට දාලා රට ගැන හිතලා භාරගන්න කියලා. එතැනින් තමයි මේ ගමන ආරම්භ වුණේ. අගමැති හැටියට මගේ යුතුකම තිබ්බේ ව්යවස්ථාවට අනුකූලව ක්රියා කරන්න. එදා රෑ මට කොච්චර පුද්ගලික හානි වුණත් මගේ පළවෙනි යුතුකම වුණේ අගමැති හැටියට මම දුන්න දිවුරුමත් අනුව මේ ව්යවස්ථාව ආරක්ෂා කරන්න. මට අවස්ථාව ලැබුණා ඒ අමාරු දවස් කිහිපය තුළදී ඒ ව්යවස්ථාව ආරක්ෂා කරන්න. මොකද මම මේක අත ඇරලා ගියා නම් රටේ විශාල අවුලක් ඇතිවෙනවා. පුද්ගලික හානි පසුව විසඳිය හැකියි. රටට හානියක් වුණොත් ඒක විසඳන්න බැහැ.
අපි මතක තියා ගන්න ඕනේ ජනතාවගේ පරමාධිපත්ය අයිතිය ජනතාවම ක්රියාකරන්නේ පාර්ලිමේන්තුව තුළයි. ජනාධිපතිතුමායි, අධිකරණය තුළයි. ගල් ගහලා ක්රියා කරන්නේ නැහැ. ගෙවල් පුච්චලා ක්රියා කරන්නේ නැහැ.විශේෂයෙන් ජනතාවට තර්ජනය කරලා විසඳන්න බැහැ. රටේ නීතිය සාමය ආරක්ෂා කරන්න ඕනේ. දැන් අපි යන්නේ අමාරු කාලයක. අපි සියලුදෙනාම එකතු වෙලා වැඩ කරනවානම් මේ රට ගොඩගන්න පුළුවන් කියලා මට ලොකු විශ්වාසයක් තියෙනවා. ඒකයි දැන් සර්ව පාක්ෂික පාලනයක් ඇති කරන්න ක්රියා කරන්නේ.”