තමන් හෙට දිනයේ (14) මහබැංකු අධිපති ධූරයේ වැඩ භාරගැනීම සඳහා ජනාධිපති ගෝඨාභය රාපක්ෂ මහතාගෙන් පත්වීමේ ලිපිය ලබාගැනීමට බලාපොරොත්තු වන බව අජිත් නිවාඩ් කබ්රාල් මහතා පවසනවා.
සිය පාර්ලිමේන්තු මන්ත්‍රී ධූරයෙන් ඉල්ලා අස්වීමේ ලිපිය පාර්ලිමේන්තු මහලේකම්වරයාට භාරදීමෙන් අනතුරුව අද (13) මාධ්‍ය වෙත අදහස් දක්වමින් කබ්රාල් මහතා පැවසුවේ එළැඹෙන 15 වනදා සිට මහබැංකු අධිපති ධූරයේ වැඩ භාරගැනීමට බලාපොරොත්තු වන බවයි.
මහ බැංකු අධිපති ධූරය භාරගත් පසුව රටේ මූල්‍ය ස්ථායීතාවය රැක ගැනීම සඳහා කටයුතු කිරීමට කටයුතු කරන බවද කබ්රාල් මහතා මෙහිදී වැඩිදුරටත් පවසා සිටියා.
මේ අතර පසුගිය සෙනසුරාදා (11) අජිත් නිවාඩ් කබ්රාල් මහතා අනුරාධපුරයේ සිද්ධස්ථාන කිහිපයක් වැඳපුදාගෙන මහා සංඝරත්නය බැහැ දුටුවා.
එහිදී නව තනතුර සඳහා මහා සංඝ රත්නය ඒ මහතාට ආශිර්වාද කර තිබෙනවා.
