2024 දී ශ්රී ලංකාවේ පැවැත්වෙන යොවුන් ලෝක කුසලාන ක්රිකට් තරගාවලියේ තරග සටහන ලෝක ක්රිකට් කවුන්සිලය විසින් නිකුත්කර තිබෙනවා.
15 වැනි වරටත් පැවැත්වෙන යොවුන් ලෝක කුසලාන ක්රිකට් තරගාවලිය සඳහා කණ්ඩායම් 16ක් කාණ්ඩ 4ක් යටතේ තරග වදින අතර එම තරගාවලිය 2024 ජනවාරි 13 වනදා සිට පෙබරවාරි 04 වනදා දක්වා පැවැත්වෙනවා.
මෙම තරගාවලියේදී සත්කාරකත්වය දරන ශ්රී ලංකා කණ්ඩායම C කාණ්ඩය යටතේ තරගවදින අතර එම කාණ්ඩයේ අනෙක් කණ්ඩායම් වන්නේ ඔස්ට්රේලියාව, සිම්බාබ්වේ සහ නැමීබියාවයි.
එක් එක් කාණ්ඩයේ ඉදිරියෙන්ම සිටින කණ්ඩායම් 3 ඉදිරි වටය සඳහා සුදුසුකම් ලබන අතර එම කණ්ඩායම් 12 අනතුරුව කණ්ඩායම් 6 බැගින් කාණ්ඩ දෙකකට බෙදෙන අතර එහිදී A සහ B කාණ්ඩ වල කණ්ඩායම් 6 එක කොටසකටත් C සහ D කණ්ඩායම් අනෙක් කොටසටත් එක්කරනු ලබනවා.
එහිදී එක් කණ්ඩායමක් එක කොටසක තරග දෙකකට බැගින් තරග කරනු ලබන අතර එම සුපිරි වටයේ ඉදිරියෙන්ම සිටින කණ්ඩායම් 4 අවසන් පූර්ව තරග සඳහා සුදුසුකම් ලබනවා.
මෙම තරගාවලිය සඳහා කොළඹ ක්රීඩාංගණ පහක් සූදානම් කෙරෙන අතර අවසන් මහා තරගය පෙබරවාරි 4 වන දා ආර් ප්රේමදාස ජාත්යන්තර ක්රිකට් ක්රීඩාංගණයේදී පැවැත්වීමට නියමිතයි.