ස්විට්සර්ලන්තය පදනම් කරගත් ලෝක බුද්ධිමය දේපළ සංවිධානය (WIPO) විසින් නිකුත් කරන ලද 2022 වාර්ෂික වාර්තාවේ ගෝලීය නවෝත්පාදන දර්ශක ශ්‍රේණිගත කිරීම්වල සැලකිය යුතු දියුණුවක් පෙන්නුම් කරමින් ඉන්දියාව පළමු වරට හොඳම රටවල් 40 අතරට පැමිණ තිබේ.
ඒ අනුව පහළ මැදි ආදායම් කාණ්ඩයේ නවෝත්පාදන ප්‍රමුඛයා ඉන්දියාවයි.
ඉන්දියාව තොරතුරු හා සන්නිවේදන තාක්‍ෂණ සේවා අපනයනවලින් සීඝ්‍ර දියුණුවක් අත්පත් කරගෙන ඇත.
ඉන්දියාව සහ තුර්කිය ඇතුළු නැගී එන ආර්ථිකයන් සහිත රටවල් අඛණ්ඩව ශක්තිමත් කාර්ය සාධනයක් පෙන්නුම් කරන අතර, එම රටවල් දෙකම පළමු වරට පළමු 40 දෙනාගේ කාණ්ඩයට ඇතුළු වී තිබේ.
2022 වසරේ ගෝලීය නවෝත්පාදන දර්ශකයේ හි ඉන්දියාව 40 වන ස්ථානය දක්වා ඉහළ ගොස් ඇති අතර තුර්කිය එහි 37 වන ස්ථානයට පත්ව ඇත.
ගෝලීය නවෝත්පාදන දර්ශකයේ ශ්‍රේණිගත කිරීමේදී ඉන්දියාව ස්ථාවර ප්‍රගතියක් ලබා ඇතැයි ඉන් පෙන්නුම් කෙරේ.
ඉන්දියාව ප්‍රථම වරට 2020 වර්ෂයේ දී ගෝලීය නවෝත්පාදන දර්ශකයේ පළමු රටවල් 50 අතරට ඇතුළු වී තිබුණි.
මෙම වසරේදී එම දර්ශකයේ හොඳම රටවල් 40 අතර ස්ථානයක් ලබා ගැනීම ඉන්දියාවේ කැපී පෙනෙන වර්ධනයක් බව ආර්ථික විශ්ලේෂකයින් පෙන්වා දෙයි.
