තලේබාන් සංවිධානය ඇෆ්ගනිස්තානයේ බලය අත්පත් කර ගැනීමෙන් අනතුරැව මතුවිය හැකි ආරක්ෂක අභියෝග සම්බන්ධයෙන් ඉන්දියාව සහ කිර්ගීස්තානය අතර සාකච්ඡාවක් පවත්වා තිබේ.
විදෙස් වාර්තා සදහන් කළේ ඉන්දියාවට පැමිණ සිටින කිර්ගිස්තානයේ ආරක්ෂක කවුන්සිල ලේකම් මාරට් ඉමාන්කුලෝව් සහ ඉන්දීය ජාතික ආරක්ෂක උපදේශක අජිත් දෝවාල් අතර දිල්ලියේදී මෙම සාකච්ඡාව පැවති බවයි.
අන්තවාදී තර්ජනවලට එරෙහිව එක්ව කටයුතු කිරීමටත්, ආරක්ෂක සහයෝගීතාව පවත්වාගෙනයාමටත් මෙම සාකච්ඡාවේදී දෙරට අතර එකගතාවයක් ඇතිව තිබේ.
තලේබාන් සංවිධානය ඇෆ්ගනිස්තානයේ බලය අල්ලා ගැනීමෙන් අනතුරුව කසකස්තානය, තජිකිස්තානය, උස්බෙකිස්තානය, කීර්ගීස්තානය, ටර්ක්මේනිස්තානය යන මධ්යම ආසියානු රටවල් සිය ආරක්ෂාව සම්බන්ධයෙන් විශේෂ අවධානයක් යොමුකර ඇත.