ජපානයේ සංචාරයක නිරතව සිටින ජනාධිපති රනිල් වික්රමසිංහ මහතා අද (25) හිටපු අග්රාමාත්ය යසුඕ ෆුකුඩා සහ ජපාන – ශ්රී ලංකා සංගමය ටෝකියෝ නුවරදී හමුව තිබෙනවා.
එහිදී රටේ ආර්ථික ප්රකෘතිය ගැන විස්තර කළ ජනාධිපතිතුමා ජපානයේ ආයෝජනවලට නැවත මෙරටට එන ලෙස ද ආරාධනා කර තිබෙන බවට වාර්තා වෙනවා.
එමෙන්ම ටෝකියෝ හි පැවති ආසියාවේ අනාගතය පිළිබඳ නිකේයි සංසදයේ දේශනයේ දී ජනාධිපති වික්රමසිංහ මහතා ආසියාව මුහුණ දෙන ප්රධාන අභියෝග තුනක් පිළිබඳව සඳහන් කර තිබුණා.
ප්රජාතන්ත්රවාදී වටිනාකම් සහ මානව හිමිකම්, දේශගුණික විපර්යාස සහ වෙළෙඳ ඒකාග්රතාව ප්රධාන අභියෝග බව පැවසූ ඔහු ආසියානු රටවල මානව හිමිකම් පිළිබඳ විවිධ දේශපාලන පද්ධති සහ නිර්වචනවලට ගරු කිරීමේ වැදගත්කම පිළිබඳව ද සඳහන් කළා.
එහිදී ජනාධිපති වික්රමසිංහ වෙළඳ ඒකාබද්ධතාවය සහ ණය තිරසාරභාවය පිළිබඳව අවධානය යොමු කළ අතර ආසියානු රටවල් මුහුණ දෙන අවදානම් පිළිබඳව අවධාරණය කර තිබෙනවා.
එමෙන්ම ජනාධිපති වික්රමසිංහ ආසියානු රටවලට විශාල බලවතුන් තෝරා ගැනීමට බල කිරීමට අවශ්ය නොවන බව අවධාරණය කළ අතර ආසියාතික රටවල් සහ චීනය අතර ආර්ථික අන්තර් රඳා පැවැත්ම ඉස්මතු කරමින් ආසියාව දෙකඩ කිරීමට විරෝධය පළ කරන බව ද සඳහන් කළා.
මෙහි දී ඔහු ආසියාවට සැලකිය යුතු තර්ජන එල්ල කරන දේශගුණික විපර්යාස පිළිබඳව අවධාරණය කළ අතර කලාපයේ උෂ්ණත්වය ඉහළ යාම, මුහුදු මට්ටම ඉහළ යාම ආදිය ආසියානු රටවල ජීවනෝපාය හා ආහාර සුරක්ෂිතතාව මෙන්ම අපනයන කෙරෙහි බලපෑම් ඇති කරන බව ද ප්රකාශ කර සිටියා.
ටෝකියෝ හි පැවති ආසියාවේ අනාගතය පිළිබඳ Nikkei සංසදය අමතමින් ජනාධිපති රනිල් වික්රමසිංහ ගෝලීය ජනගහනයෙන් 60%කගේ නිවහන ලෙස සහ ගෝලීය වර්ධනයට ප්රධාන දායකත්වය සපයන ලෝකයේ විශාලතම ආර්ථිකය ලෙස ආසියාවේ වැදගත්කම අවධාරණය කර තිබෙන බවට වාර්තා වෙනවා.
චීනයේ ප්රකෘතිමත්වීම, ඉන්දියාවේ දේශීය ඉල්ලුම සහ ජපානය සහ දකුණු කොරියාව වැනි දියුණු ආර්ථිකයන්හි දායකත්වයේ සහායෙන් කලාපයේ අඛණ්ඩ වර්ධනය සඳහා ඇති හැකියාව ද ඔහු අවධාරණය කර තිබෙනවා.