රජයේ සංවර්ධන ව්‍යාපෘතියක් ලෙසින් ආරම්භ කළ පොළොන්නරුවේ පරාක්‍රම සමුද්‍රය වටා ඉදිකිරීමට ගිය ඇවිදින මංතීරු ව්‍යාපෘතිය කඩාකප්පල් කරන ලද්දේ හිටපු ජනාධිපති මෛත්‍රීපාල සිරිසේන මහතා බව පළාත් සභා හා පළාත් පාලන කටයුතු රාජ්‍ය අමාත්‍ය රොෂාන් රණසිංහ මහතා චෝදනා කරනවා.
මෙම ව්‍යාපෘතිය පිළිබදව කරුණු පැහැදිළි කිරීම සඳහා ඊයේ (20) අස්ගිරි පාර්ශවයේ අනුනායක පූජ්‍ය වෙඬරුවේ උපාලි නා හිමියන් බැහැදුටු අවස්ථාවේදී ඔහු මේ බව සඳහන් කළා.
පරාක්‍රම සමුද්‍රයේ වැව් බැම්ම මත ඇවිදින මංතීරුවක් ඉදිකිරීම කිසිසේත්ම සිදු නොකළ යුතු බව හිටපු ජනාධිපති මෛත්‍රීපාල සිරිසේන මහතා පසුගිය 19 වනදා මාධ්‍ය වෙත ප්‍රකාශයක් සිදුකර තිබුණා.
ඔහු මාධ්‍ය වෙත එලෙස කීවද අදාළ ව්‍යපෘතිය ක්‍රියාත්මක කළ යුතුයැයි තමා සමඟ පෞද්ගලිකව පවසා තිබීම නිසා ඔහු කියනා දේ පිළිබදව ගැටළු මතුව ඇතැයි රොෂාන් රණසිංහ මහතා පවසනවා.
අස්ගිරි පාර්ශවයේ අනුනායක පූජ්‍ය වෙඬරුවේ උපාලි නා හිමියන් සඳහන් කරන්නේ මෙම ව්‍යෘපෘතිය භයානක එකක් බවට තමන්වහන්සේ නොදකින බවයි.
