ශ්රී ලංකා ටෙලිකොම් සමාගමේ රජය සතු 49.5%ක කොටස් අලෙවි කිරීම සඳහා පමණක් වසරක කාලයක් ගත වනු ඇති බව ෆිච් රේටින්ස් ආයතනය පවසනවා.
එම ආයතනයේ නවතම වර්තාවක දැක්වෙන්නේ කොටස් අලෙවිය සඳහා ගණුදෙනුකරුවන් මේ වන විට හඳුනාගෙන නොමැති බවයි.
ඊට වැඩි කාලයක් ගත වනු ඇති බවයි ඔවුන් පෙන්වා දෙන්නේ.
ජාත්යන්තර මුල්ය අරමුදල මෙරට පාඩු ලබන සමාගම් ප්රතිව්යුහගත කිරීමේ කොන්දේසි යටතේ මෙලෙස ටෙලිකොම් සමාගම සතු කොටස් අලෙවි කිරීමට රජය සැලසුම් කර තිබෙනවා.
කෙසේ නමුත් මේ වසරේ ශ්රී ලංකා ටෙලිකොම් ආයතනයේ ආදායමේ යම් අඩුවක් දක්නට ලැබෙන බව ෆිච් රේටින්ස් ආයතනය පවසනවා.
ආර්ථික අර්බුදය සමඟ ජනතාව සන්නිවේදන අවශ්යතාවලට වඩා වැඩි මුදලක් වෙනත් අත්යාවශ්ය කටයුතු සඳහා වියදම් කිරීම ඊට හේතුව වී ඇති බවයි ඔවුන් පෙන්වා දෙන්නේ.
තවද පසුගිය වසරවලට සාපේක්ෂව 2022 වසරේදී ශ්රී ලංකා ටෙලිකොම් සමාගමේ පාරිභෝගිකයින්ගේ අඩුවක් ද ඇති බව ෆිච් රේටින්ග්ස් ආයතනය නිකුත් කළ වාර්තාවේ සඳහන් වනවා.