පෞද්ගලික ආරවුලක් හේතුවෙන් සිදු කළ ගිනි තැබීමකින් කටුගස්තොට මැණික්කුඹුර නිවසක තිදෙනෙකු මියගොස් ඇති බවට පොලිසිය සැක කරනවා.
පිටස්තර පුද්ගලයෙකු නිවසේ පිළිස්සී මියයා ගොස් තිබීම හා තවත් සැක සහිත අවස්ථා කිහිපයක් ඔස්සේ පරීක්ෂණ ක්‍රියාත්මක බවයි පොලිසිය පවසන්නේ.
අදාළ පුද්ගලයා විසින් අද අලුයම නිවසට ගිනි තැබීමෙන් එහි සිටි දියණිය, පියා සහ අදළ පුද්ගලයා ද මිය යන්නට ඇතැයි, පොලිසිය සැක පළ කරන අතර ගින්නෙන් 71 හැවිරිදි ඊශ්වරි දේවන් නම් පියා, 30 හැවිරිදි චන්ද්‍රවදනි නම් දියණිය සහ දියණියගේ පෙම්වතා බව කියන පුද්ගලයා ද මිය ගොස් තිබෙනවා.
එම නිවසේ සිටි රාණිවේලු රාජු නමැති 66 හැවිරිදි මව පිළිස්සුම් තුවාල ලබා මහනුවර ජාතික රෝහලේ ප්‍රතිකාර ලබමින් සිටිනවා.
පොලිසිය සඳහන් කළේ, මියගිය 30 හැවිරිදි දියණියගේ පෙම්වතා එම ගිනිතැබීම කළ බවට පිළිස්සුම් තුවාල ලබා රෝහල්ගතව සිටින මව පොලිසියට ප්‍රකාශයක් ලබාදී ඇති බවයි.
