මාර්ගයකදී පිහියකින් සහ කතුරකින් ඇන පුද්ගලයෙකු ඝාතනය කර තිබෙනවා.
පොලීසිය සඳහන් කළේ, පුද්ගලික ආරවුලක් මත ඊයේ (14) 37 හැවිරිදි පුද්ගලයෙකුව මෙලෙස ඝාතනය කර ඇති බවයි.
ඇලයාපත්තුව පොලිස් වසමේ තිබ්බටුවාගම විහාරස්ථානයට යන මාර්ගයේදී මෙම ඝාතනය සිදුකර තිබුණා.
මේ අතර අද (15) අලුයම හක්මන පොලිස් වසමේ කහටගහකොරටුව ප්රදේශයේදී පුද්ගලයෙකුට තියුණු ආයුධයකින් පහරදී ඝාතනය කර තිබෙනවා.
මරණකරු වයස අවුරුදු 21 ක් වූ කහටගහකොරටුව, හක්මන ප්රදේශයේ පදිංචිකරුවෙක්.
මරණකරුට ඔහුගේ බාප්පා විසින් පැරණි අමනාපයක් මත තියුණු ආයුධයකින් පහරදීමෙන් පසු බරපතල තුවාල ලබා ඇල්ලේවෙල රෝහලට ඇතුලත් කර ඇති අතර වැඩිදුර ප්රතිකාර සඳහා කඹුරුපිටිය රෝහලට ඇතුලත් කිරීමෙන් පසු මියගොස් තිබෙනවා.
පොලීසිය පවසන්නේ, ඝාතනය සිදු කල සැකකරු ප්රදේශයෙන් පලා ගොස් තිබෙන බවයි.
ඒ අනුව මෘත ශරීරය කඹුරුපිටිය රෝහලේ මෘත ශරීරාගාරයේ තැන්පත් කර ඇති අතර සැකකරු අත්අඩංගුවට ගැනීම සඳහා හක්මන පොලිසිය වැඩිදුර විමර්ශන සිදු කරනු ලබනවා.
මේ අතර සේරුනුවර මහවැලිගම ප්රදේශයේදී තියුණු ආයුධයකින් ඇන 41 හැවිරිදි පුද්ගලයෙකු ඝාතනය කර තිබෙනවා.
මෘත ශරීරය පශ්චාත් මරණ පරීක්ෂණ කටයුතු සඳහා ත්රීකුණාමලය රෝහලේ මෘත ශරීරාගාරයේ තබා ඇති බව පොලීසිය සඳහන් කළා.
එමෙන්ම ඝාතනය සිදුකල සැකකරු වයස අවුරුදු 30 ක් වූ සුමේධංකරපුර, සේරුනුවර ප්රදේශයේ පදිංචිකරුවෙකු බවට හඳුනා ගෙන ඇති අතර අත්අඩංගුවට ගැනීම සඳහා සේරුනුවර පොලිසිය වැඩිදුර විමර්ශන සිදුකරනු ලබනවා.