පසුගිය කාලයේ ආන්දෝලනයට ලක්වූ තමන්ගේ ඉඩම හන්තාන රක්ෂිතයට අයත් ඉඩමක් බවට පසුගිය ආණ්ඩුවේ හිටපු ඇමැතිවරයකු වූ ලක්ෂ්මන් කිරිඇල්ල මහතාගේ දියණිය වන නීතිඥ චමින්ද්‍රාණි කිරිඇල්ල මහත්මිය පිළිගනු ලැබූවා.
ඒ ඊයේ (19) කොළඹ විපක්ෂ නායක කාර්යාලයේ පැවති ප්‍රවෘත්ති සාකච්ඡාවකදී හන්තාන රක්ෂිතයට අයත් ඉඩමක් ඉකුත් 2020 වසරේදී එළි පෙහෙළි කිරීම සම්බන්ධයෙන් මාධ්‍යවේදියකු නැඟූ ප්‍රශ්නයකට පිළිතුරු දෙමින්.
සමඟි ජන බලවේගයේ කාන්තා සංගමය වන සමඟි වනිතා පෙරමුණ විසින් මේ මාධ්‍ය හමුව පැවැත්වූ අතර සිංහරාජ වනාන්තරය එළි පෙහෙළි කරන ලද බවට රූපවාහිනී වැඩසටහනකට එක් වෙමින් ප්‍රකාශයක් කිරීම හේතුවෙන් තර්ජනයට ලක්ව ඇතැයි කියන භාග්‍යා අබේරත්න නමැති තරුණියට සහාය වීම සඳහා මේ මාධ්‍ය හමුව සංවිධාන කර තිබුණා.
මේ මාධ්‍ය හමුවට භාග්‍යා අබේරත්න ද සහභාගි වන බවට මාධ්‍ය දැනුම්වත් කර තිබුණද ඇය මේ අවස්ථාවට සහභාගි වූයේ නැහැ.
අදාළ ඉඩම මීට වසර 30 කට පෙර තමාගේ පියා නීතිඥවරයෙක් ලෙස කටයුතු කරන සමයේ මිලදී ගත් එකක් බවත් 2010 ගැසට් පත්‍රයක් මඟින් හන්තාන රක්ෂිතයට ගැසට් කර පසු එය රක්ෂිතයට අයත්ව ඇති බවත් නීතිඥ චමින්ද්‍රාණි කිරිඇල්ල මහත්මිය මාධ්‍ය හමුවේ පවසා සිටියා.
තමන් මෙම ඉඩමේ කිසිදු ගසකට හානි නොකල බවත් ඉඩමට ඇතුළුවීමට මාර්ගයක් සකසා ගැනීමට උස්ව වැවී තිබූ මානා පඳුරු අයින් කිරීම පමණක් සිදුකල බවත් ඇය වැඩිදුරටත් සදහන් කළා.
කෙසේ වෙතත් අදාල ඉඩමට සිදුව ඇති හානිය පිළිබද වීඩියෝවක් මීට පෙර අප Channel 19 යුටියුබ් නාලිකාව හරහා විකාශය කළා.
එම වීඩියෝව පහතින්,
