චීන හමුදාව විසින් ඔත්තු බැලීම සඳහා නුදුරේදීම ශබ්දයේ වේගය මෙන් අවම වශයෙන් තුන් ගුණයක වේගයෙන් ගමන් කරන ඩ්‍රෝන යානා යොදා ගනු ඇතැයි ඇමෙරිකානු රහස්‍ය ලේඛනයක් උපුටා දක්වමින් වොෂින්ටන් පෝස්ට් වාර්තා කළේය.
ෂැංහයි සිට කිලෝමීටර් 560ක් පමණ දුරින් නැගෙනහිර චීනයේ ගුවන් කඳවුරක WZ-8 ඔත්තු බැලීමේ ඩ්‍රෝන යානා දෙකක් පෙන්වන අගෝස්තු 9 දිනැති චන්ද්‍රිකා ඡායාරූප පුවත්පත් වාර්තාවට ඇතුළත් වේ.
එක්සත් ජනපද රහස්‍ය වාර්තාවේ දැක්වෙන්නේ, චීනයේ මහජන විමුක්ති හමුදාව (PLA) තායිවානය මත චීන ස්වෛරීභාවය පිළිබඳ හිමිකම් බලාත්මක කිරීම සඳහා වගකිව යුතු නැගෙනහිර විධානය යටතේ ඩ්‍රෝන ඒකකය බොහෝ දුරට ස්ථාපිත කර ඇති බවයි.
කෙසේ වෙතත් මේ සම්බන්ධයෙන් එක්සත් ජනපද ආරක්ෂක දෙපාර්තමේන්තුව ප්‍රතිචාර නොදැක්වූ බව වොෂින්ටන් පොස්ට් වාර්තා කළේය.
පසුගිය සතියේ අත්අඩංගුවට ගත් එක්සත් ජනපද එයාර් ජාතික ආරක්ෂක බළකායේ සාමාජිකයෙකු වන 21 හැවිරිදි ජැක් ඩග්ලස් ටෙක්සෙයිරා විසින් හෙළි කළ රහස්‍ය ලේඛන අතර මෙම ලේඛනය ද තිබී ඇත.
