කොත්තුවක් හේතුවෙන් ඇතිවූ බහින්බස් වීමක ප්‍රතිඵලයක් ලෙස සිදුවූ මනුෂ්‍ය ඝාතනයක් පිළිබඳව වාර්තාවනවා.
මෙලෙස ඝාතනයට ලක්වවූයේ කොටුගොඩ පදිංචිව සිටි විසිපස් හැවිරිදි තරුණයෙක්.
ඊයේ (02) දින රාත්‍රී ආහාරය සඳහා මිලදී ගත් කොත්තුවක් සම්බන්ධයෙන් අදාල තරුණයා ආපනශාලා හිමියා සමග බහින් බස්වීමක නිරතව ඇති අතර එහිදී කෝපයට පත් තරුණයා සිය නිවසට ගොස් මන්නා පිහියක් රැගෙන නැවත එම ස්ථානයට පැමිණ තිබෙනවා. එහිදී ඔහු විසින් ආපනශාලා හිමිකරුට හානි කිරීමට උත්සහ කිරීමේදී ආපනශාලා හිමිකරුගේ පුතා විසින් පිහිය රැගත් තරුණයාට මෝල් ගසකින් පහරදී ඔහුව ඝාතනය කර ඇති බවයි පැවසෙන්නේ.
එම ඝාතනය සම්බන්ධයෙන් හෝටල් හිමිකරුගේ පුත්‍රයා අත්අඩංගුවට ගෙන ඇති බව පොලිසිය පවසනවා.
