දිවයින පුරා සතොස වෙළෙඳ සැල් 300කට පමණ මත්පැන් අලෙවි බලපත්ර නිකුත් කිරීමට සුරාබදු දෙපාර්තමේන්තුව සැලසුම් කර තිබෙනවා.
ඒ අනුව සුරාබදු නිවේදන 902 ඛාණ්ඩය සපුරා ඇති සියලු සතොස වෙළෙඳ සැල් සඳහා කඩිනමින් මත්පැන් බලපත්ර ලබාදීම සම්බන්ධයෙන් මේ වන විට කටයුතු සම්පාදනය වෙමින් පවතින බවයි.
කෙසේ වෙතත් මත්පැන් බලපත්ර ඉල්ලුම් කළ ඇතැම් සතොස ආයතන අදාළ සුදුසුකම් සපුරා නොතිබීම හා මහජන විරෝධතා හේතුවෙන් මෙම බලපත්ර නිකුත් කිරීමේදී ගැටළුකාරී තත්ත්වයක් මතුව තිබෙනවා.
දෙපාර්තමේන්තුවේ අභ්යන්තර ආරංචි මාර්ග වාර්තා කරන්නේ සියලු සුදුසුකම් සපුරා නොමැති ඇතැම් සතොස වෙළෙඳ සැල් සඳහා ද මෙම බලපත්ර ලබාදීම සම්බන්ධයෙන් අවධානය යොමුව ඇති බවයි.
සුරාබදු කොමසාරිස් ජෙනරාල්වරයා අදාළ බලපත්ර අනුමත කිරීමෙන් පසු සතොස ආයතනවල මත්පැන් අලෙවි කිරීමේ මධ්යස්ථාන විවෘත කිරීමට නියමිතව තිබෙනවා.
කෙසේ වෙතත් මේ වන විට දිවයින පුරා සුරාබදු දෙපාර්තමේන්තුවේ මත්පැන් අලෙවි කිරීමේ බලපත්ර 6000ක් පමණ නිකුත් කර ඇති බව සඳහන්.