මෙරර විනිමය අනුපාතිකයේ කැපී පෙනෙන ඉහළ යාමක් 2022 මාර්තු මාසයේ සිට නිරීක්ෂණය විය.
ඒ, ශ්‍රී ලංකා මහ බැංකුව විසින් විනිමය අනුපාතිකයට ඉහළ නම්‍යශීලීභාවයක් ලබා දීම හේතුවෙන්.
2022 වසරේ මුල් මාස දෙක තුළ ශ්‍රී ලංකා රුපියල පුළුල් ලෙස ස්ථාවරව තබා ගත් නමුත්, 2022 වසරේ මාර්තු මස පළමු සතියේ දී විනිමය අනුපාතිකයට ඉහළ නම්‍යශීලීභාවයක් ලබා දීමට මහ බැංකුව ගත් තීරණයේ ප්‍රතිපලයක් ලෙස, එය සැලකිය යුතු ලෙස අවප්‍රමාණය වී ඇත.
ඒ අනුව, 2022 වසරේ අප්‍රේල් 01 දක්වා වූ කාලය තුළ දී ශ්‍රී ලංකා රුපියල, එ.ජ. ඩොලරයට සාපේක්ෂව සියයට 33.0ක අවප්‍රමාණය වීමක් වාර්තා කර තිබෙනවා.
අනෙකුත් විදේශ ව්‍යවහාර මුදල්වල හැසිරීම පිළිබිඹු කරමින්, 2022 වසරේ අප්‍රේල් 01වන දින දක්වා කාලය තුළ දී ශ්‍රී ලංකා රුපියල, යුරෝ, ස්ටර්ලින් පවුම්, ජපන් යෙන්, ඉන්දියානු රුපියල සහ ඔ්ස්ට්‍රේලියානු ඩොලරයට සාපේක්ෂව අවප්‍රමාණය විය.
