මේ දිනවල සංවර්ධනය කෙරෙමින් තිබෙන බිබිල – බදුල්ල මාර්ගයේ තිබී ඓතිහාසික වටිනාකමකින් යුත් ඊතළයක් හමුවූ බවට ඊයේ (18) ස්වර්ණවාහිනී Live @ 8 ප්‍රවෘත්ති විකාශයේත් අද (19) මවුබිම පුවත්පතේත් තොරතුරු වාර්තා කර තිබුණා.
1818 ඌව වෙල්ලස්ස කැරැල්ලේදී එවකට ඌව සුදු ඒජන්තවරයාව සිටි සිල්වෙස්ටර් ඩග්ලස් විල්සන් නැමැති ඉංග්‍රීසි ජාතිකයාට මාරක හීයකින් විද මරා දැමූ මීගහපිටිය වළව්වේ හිටිහාමි මුදියන්සේ රටේරාලගේ පිළිරුව අසල මාර්ගයේ තිබී මෙම ඊතලය හමුවී ඇති බවයි අදාල මාධ්‍ය වාර්තා කර ඇත්තේ.
පසුව එය සොයාගත් මාර්ග සංවර්ධනයේ යෙදුණු සේවකයින් එම ඊතළය බිබිල – හෙවෙල්වෙල-උණගොල්ල රජමහා විහාරයේ විහාරාධිපති හිමියන් වෙත භාරදී තිබෙනවා.
කෙසේ වෙතත් අප මේ පිළිබදව කළ සොයා බැලීමේදී වාර්තාවූයේ කිලෝ ග්‍රෑම් එකක් පමණ බරැති එම ඓතිහාසික ඊතලය යැයි පැවසෙන දෙය දුරකථන රැහැන් භූගත කිරීමට යොදාගන්නා තඹ උපකරණයක් (Earth Rod) බවයි.
එම උපකරණයේ ඉහළ කෙළවර දුන්නක උඩ කොටසක හැඩය ගත්තද එය කිසිසේත්ම තියුණු මුහුණුවරක් ගන්නේ නැහැ.
අනෙක් අතට එය කිලෝග්‍රෑමයක පමණ බරකින් යුක්ත බැවින් කිසිසේත්ම ඊතලයක් ලෙස යොදා ගැනීමට හැකියාවක්ද පවතින්නේ නැහැ.
විවිධ දිගින් හා විෂ්කම්භයකින් යුත් මෙම උපකරණ අන්තර්ජාලය හරහාද මිලදී ගැනීමට හැකියාව පවතිනවා.
එම සබැදිය පහතින්,
ඓතිහාසික ඊතලය ලෙස හදුන්වනු ලැබූ තඹ උපකරණය මේ වන විට උණගොල්ල රජමහා විහාරයේ මහජන ප්‍රදර්ශනය සදහා තැන්පත් කර තිබීමද විශේෂත්වයක්.
විද්යුත් හා මුද්‍රිත මාධ්‍යයන්හී පලවූ අදාල ප්‍රවෘත්ති පහළින්,
