පාකිස්ථාන පාලනය යටතේ ඇති කාශ්මීරයේ ගිල්ගිට්-බල්ටිස්තානයේ ඩයමර් දිස්ත්රික්කයේ බාලිකා පාසලකට ගිනි තබා දින කිහිපයකට පසු, ගිසර් දිස්ත්රික්කයේ තවත් බාලිකා පාසලකට ගිනි තැබීමට ත්රස්තවාදීන් උත්සාහ කළ බව පාකිස්තාන මාධ්ය වාර්තා කර තිබේ.
කෙසේවෙතත්, ගන්ඩා-ඊ-යසින් ප්රදේශයේ පාසලේ දොර පමණක් ගිනි තබා ඇති අතර බිත්තියේ යම් පණිවිඩයක් දැකගත හැකි වූ බව පැවසේ.
මෙම සිදුවීම සිදුවන්නේ ගිල්ගිට්-බල්ටිස්තානයේ ඩයමර් දිස්ත්රික්කයේ බාලිකා පාසලක් ගිනි තබා සතියකට පසුවය.
ඩයමර් ප්රදේශයේ බාලිකා පාසලකට ගිනි තැබීමේ සිද්ධිය සම්බන්ධයෙන් පාකිස්තානයේ මානව හිමිකම් කොමිසම කනස්සල්ල පල කර තිබේ.
ඩෝන් පුවත්පතට අනුව, ප්රාදේශීය නිලධාරීන් මෙම පිළිකුල් සහගත ක්රියාවට ත්රස්තවාදීන් වගකිව යුතු බව පවසා ඇති අතර අධ්යාපන ආයතනවලට ආරක්ෂාව සපයන බවට පොරොන්දු වී ඇත.
ප්රකාශයක් නිකුත් කරමින් මානව හිමිකම් කොමිසම ගිල්ගිට්-බෝල්ටිස්තාන රජයෙන් ඉල්ලා සිටියේ දරුවන්ගේ අධ්යාපනයට ඇති අයිතිය ආරක්ෂා කිරීම සහතික කරන ලෙසයි.