කොළඹ නගරයට හා තදාසන්න නගරවලට දිනපතා පැමිණෙන වාහන නිසා ඇතිවන නාගරික තදබදය අවම කිරීමේ අරමුණින් නව වැඩසටහනක් ක්‍රියාත්මක වන බව නාගරික සංවර්ධන අමාත්‍යාංශය සඳහන් කරනවා.
ඒ අනුව කොළඹ නගරයේ බහු මහල් රථගාල් හතරක් ඉදිකරන බවට වාර්තා වෙනවා.
නාගරික සංවර්ධන අධිකාරිය විසින් රාජ්‍ය අංශයේ හා පෞද්ගලික අංශයේ දායකත්වය මත නාගරික සංවර්ධන හා නිවාස අමාත්‍ය ප්‍රසන්න රණතුංග මහතාගේ උපදෙස් පරිදි මෙම රථගාල් ඉදිකරන බවයි අමාත්‍යංශය නිකුත් කළ නිවේදනයක දැක්වෙන්නේ.
කොළඹ ටෙලිකොම් ආයතනය ඉදිරිපිට, පැරණි මාළු වෙළඳපොළ සහ නාරාහේන්පිට යන ප්‍රදේශවල මෙම රථගාල් ඉදිකිරිමට නියමිත බව වැඩිදුරටත් සඳහන් වෙනවා.
