නන්දලාල් කබ්රාල්ටත් වඩා මුදල් අච්චු ගැහුවා..! – ගම්මන්පිල

තමන් ගේ පූර්වගාමීන් දැවැන්ත ලෙස මුදල් අච්චු ගැසීම නිසා රටේ උද්ධමනය ඇතිවී ආර්ථික අර්බූදය තීව්‍ර වූ බව නන්දලාල් වීරසේකර සිය තනතුර බාර ගැනීමේ දී පැවසූ නමුත් මේ වන විට ඉතිහාසයේ වැඩිම මුදල් ප්‍රමාණයක් අච්චු ගැසූ මහ බැංකු අධිපතිවරයා බවට ඔහු පත්වී ඇති බව පිවිතුරු හෙළ උරුමයේ නායක උදය ගම්මන්පිල පවසනවා.

තවදුරටත් ඒ පිළිබඳව සංඛ්‍යාත්මකව පැහැදිලි කළ උදය ගම්මන්පිල.

“මහාචාර්ය ඩබ්. ඩී. ලක්ෂ්මන් මහතා මහ බැංකු අධිපති ධූරයේ සිටිය දී 2020.03.13 සිට 2021.09.14 දක්වා කාලය 551 තුළ රුපියල් බිලියන 1260 ක භාණ්ඩාගාර බිල්පත් නිකුත් කර තිබෙනවා. ජනතාවට තේරුම් යන ආකාරයෙන් කිවහොත් දිනකට රුපියල් බිලියන 2.18 බැගින් මුදල් අච්චු ගසා තිබෙනවා.

ඉන් පසු පැමිණියේ නිවාඩ් කබ්රාල් මහ බැංකු අධිපතිවරයා. ඒ මහතා 2021 සැප්තැම්බර් මස 15 වන දා සිට 2022 අප්‍රේල් මස 5 වන දා දක්වා දින 203ක කාලය තුළ රුපියල් බිලියන 446 ක නව භාණ්ඩාගාර බිල්පත් නිකුත් කර තිබෙනවා. එනම් ඒ මහතා දිනකට රුපියල් බිලියන 2.2 බැගින් මුදල් අච්චු ගසා තිබෙනවා. ලක්ෂ්මන් මහතාගේ වාර්තාව කබ්රාල් මහතා දශම ගණනකින් වැඩියෙන් සිදු කරා.

ඉන්පසු පැමිණියේ මුදල් අච්චු ගැසීම පිළිබඳ ආදීනව මාධ්‍ය පුරා පැවසූ නන්දලාල් වීරසේකරයි. එයා 2022 අප්‍රේල් මස 6 වනදා සිට සැප්තැම්බර් 30 වන දා දක්වා දින 175 ක කාලය තුළ රුපියල් බිලියන 590 ක නව භාණ්ඩාගාර බිල්පත් නිකුත් කරා. එනම් වීරසිංහ මහතාගේ කාලය තුළ දිනකට බිලියන 3.37 ක මුදල් අච්චු ගසා තිබෙනවා. එනම් කබ්රාල් මහතාගේ වාර්තාව නන්දලාල් මහතා විසින් බිඳ දමන්නේ 55% කි ඉහළ දැමීමකින්.

කබ්රාල් මහතා ගේ මහ බැංකු අධිපති ධුරය කාලයේදී දී ඩොලර් මිලියන ගණනින් ණය ගෙව්වා. මුදල් අවශ්‍යතාවය පරිදි මුදල් අච්චු ගැසූවා. ණය ගෙවීමට ද නොමැති මෙම කාලයේ මුදල් අච්චු ගසන්නේ කුමකටදැයි සියල්ලටම ප්‍රශ්නයක්. අද ආණ්ඩුවේ ආදායම කඩා වැටුණත් වැටුප්, විශ්‍රාම වැටුප, සමෘද්ධිය වැනි සහනාධාර ගෙවිය යුතුයි. ආණ්ඩුවට ඒ සඳහා මුදල් නොමැති නම් මුදල් අච්චු ගැසීමෙන් හෝ ගෙවිය යුතුය යන්න සත්‍යයි.”

ලංකාවේ ආර්ථිකය කඩා වැටීමට ප්‍රධාන හේතුවක් වන්නේ විශාල රාජ්‍ය අංශයක් නඩත්තු කිරීමයි. ජනාධිපතිවරයා කෙසේ පැවසුව ද මෙය අයවැය තුළ නව ආයතන එකොළහක් අඳුන්වා දී ඇති බව පවසන ගම්මන්පිල මෙලෙස නව ආයතන හඳුන්වා දීමෙන් ඒවාට අවශ්‍ය අධ්‍යක්ෂකවරුන්, වාහන, කාර්ය මණ්ඩල සියල්ල සඳහා අළුතින් වියදම් කිරීමට සිදුවන බව පෙන්වා දෙනවා.

මේ සියල්ල සමඟ රටේ ආදායමට වඩා වියදම දිනෙන් දින ඉහළ යන බව වැඩිදුරටත් උදය ගම්මන්පිල පවසනවා.