සිංහල හින්දු අලුත් අවුරුද්දට හැටන් ඇතුළු වතු ආශ්‍රිත ප්‍රදේශවලට පැමිණි ජනතාවට ආපසු කොළඹ රැකියා ස්ථාන බලායෑම සඳහා ප්‍රමාණවත් ලංගම සහ පෞද්ගලික බස් රථ ධාවනයට එක් කර නොමැති බවට මඟී ජනතාව චෝදනා කරනවා.
ලංගම ඩිපෝවේ නිලධාරියෙක් සඳහන් කළේ හැටන් ලංගම ඩිපෝව මගින් පැයකට වරක් හැටන් සිට කොළඹ දක්වා ධාවනය කිරිමට බස් රථ ධාවනයට එක් කර ඇති නමුත්, එකවර කොළඹ දක්වා ගමන් කිරිමට මගින් විශාල පිරිසක් පැමිණිම හේතුවෙන් මෙම තදබදය හට ගෙන ඇති බවයි.
මේ අතර, හැටන් බස් නැවතුම්පොළේ සිට කොළඹ දක්වා ගමන් කිරීමට සිටි ඇතැම් පිරිස් (15) දින සේවා ස්ථාන වෙත වාර්තා කළ යුතුව තිබුණද ප්‍රවාහන පහසුකම් නොමැති වීම නිසා ඔවුන්ට එලෙස යාමට නොහැකි වු බවයි ඇතැම් මඟීන් පවසනවා.
මේ අතර, හැටන් දුම්රිය ස්ථානයේද උඩරට මැණිකේ දුම්රියෙන් ගමන් කිරිමට විශාල මගින් පිරිසක් දුම්රිය ස්ථානයේද රැඳී සිට ඇති බව තවදුරටත් වාර්තා වෙනවා.
(හැටන්- රංජිත් රාජපක්ෂ)
