ආගමික අපහාසයට අදාළ,නීති වෙනස් නොකරන බව පකිස්තාන අගමැති ඉම්රාන් ඛාන් ප්රකාශ කර තිබේ.
ඔහු මේ බව සදහන් කර ඇත්තේ ආගමික අපහාස නීතිවලට මුවාවී පකිස්තානය විසින් සුලු ජාතිකයන් මර්දනය කරන බවට යුරෝපා සංගමය කර ඇති චෝදනාවලට පිලිතුරු ලෙසිනි.
පකිස්තානයේ තත්ත්වය පිලිබද කළ සාකච්ඡාවකින් අනතුරුව යුරෝපා සංගමය තීරණය කර ඇත්තේ මෙම නීති වෙනස් නොකරන්නේ නම් එරටට ලබාදී ඇති GSP+ සහනය ඇතුලු සහන අත්හිටුවිය යුතු බවයි.
ඒ පිළිබඳ සාකච්ඡා කිරීමට අගමැති ඉම්රාන් එරට ආණ්ඩුවේ ජ්යෙෂ්ඨ ඇමතිවරුන් හමුවූ අතර ඉන්පසු පවසා ඇත්තේ අදාළ නීති වෙනස් කිරීමට කිසිදු බලාපොරොත්තුවක් නොමැති බවයි.