ශ්‍රී ලංකාවේ ආර්ථික අර්බුදයෙන් මිදීමට නම් තවදුරටත් චීනයෙන් ණය ලබා ගැනීම සිදු නොකළ යුතු බව හිටපු මහ බැංකු අධිපති ආචාර්ය ඉන්ද්‍රජිත් කුමාරස්වාමි මහතා පවසනවා.
ඔහු කියා සිටින්නේ චීනයෙන් මෙවර අවශ්‍ය වන්නේ ණය නොව ඔවුන් සතුව ඇති සුලබ ප්‍රශ්ධනය ශ්‍රී ලංකාව තුළ යෙදවීම බවයි.
එවැනි ප්‍රාග්ධනය යොදවා මෙරට යටිතල පහසුකම් ගොඩනැගීමෙන් ඩොලර් ලබා ගැනීම සිදු කර හැකි බවද ඒ මහතා පෙන්වා දෙනවා.
වැඩිදුරටත් අදහස් දක්වමින් හිටපු අධිපතිවරයා කියා සිටින්නේ හම්බන්තොට වරාය, කොළඹ වරාය නගරය වැනි චීනය මෙහි ගොඩනැගූ යටිතල පහසුකම්වල වාසිය ලබමින් මෙහි ආයෝජන සිදුකරන්නේ නම් එයද ඉදිරි ආර්ථික වර්ධන මූලාශ්‍රයක් වනු ඇති බවයි.
