උසස් පෙළ විභාගය පැවැත්වෙන කාලසීමාව තුළ කොන්දේසිවලට යටත්ව අඛණ්ඩව විදුලිය සැපයීම සහතික කිරීමට අදාළ බලධාරීන් එකඟ වී ඇති බව ශ්රී ලංකා මානව හිමිකම් කොමිෂන් සභාව නිවේදනය කරනවා.
මහජන උපයෝගීතා කොමිසමේ සභාපති, විදුලිබල අමාත්යාංශ ලේකම්, ඛනිජ තෙල් සංස්ථා සභාපති සහ රාජ්ය බැංකු දෙකක සභාපතිවරුන් අද (25) දෙවන වරටත් උසස් පෙළ විභාග සමයේ විදුලිය කප්පාදුව පිළිබඳ කරුණු විමසීම සඳහා ශ්රී ලංකා මානව හිමිකම් කොමිසම හමුවට කැඳවූ අවස්ථාවේදී අදාළ තීරණය ගෙන තිබෙනවා.
මේ අතර කළ කැඳවීමකට අනුව මෙම කරුණ සම්බන්ධයෙන් කරුණු විමසීම සඳහා අද පෙරවරුවේත් විදුලිබල හා බලශක්ති අම්යංශයේ අතිරේක ලේකම්වරයෙකු හා මහජන උපයෝගීතා කොමිසමේ සභාපති ජනක රත්නායක මහතා මානව හිමිකම් කොමිසම හමුවේ පෙනී සිටියා.
එම කැඳවීමද සිදු කර තිබුණේ උසස් පෙළ විභාග සමයේ විදුලි කප්පාදුව අත්හිටුවන්නැයි කළ ඉල්ලීමට ප්රතිචාර නොදැක්වීම සම්බන්ධයෙන් කරුණු විමසීම සඳහායි.
මානව හිමිකම් කොමිසම පසුගිය 23 වනදා මේ සම්බන්ධයෙන් කළ ඉල්ලීමට කිසිදු පියවරක් ගැනීමට බලධාරීන් අද පස්වරුව වන තෙක්ම කිසිදු ක්රියාමාර්ගයක් ගෙන තිබුණෙ නැහැ.