මුලින්ම ආරම්භ කළ යුතු ආයතන ලෙස යුනිසෙෆ් ආයතනය හඳුන්වාදී ඇත්තේ පාසල බවත් ඒ අනුව පාසල් හැකි ඉක්මනින් විවෘත කළ යුතු බවත් විශේෂඥ වෛද්‍ය අනුරුද්ධ පාදෙණිය මහතා පවසනවා.
ජාත්‍යන්තර ගණනය කිරීම් අනුව පහළ පන්තිහි දරුවන් මාර්ග‍යෙන් රෝගය බෝවීම අවම මට්ටමක පවතින බවත් පාසල් මගින් රෝගය බෝවීම ආපනශාලා සහ අනෙකුත් ආයතන සමග සැසඳීමේදී අවම තත්ත්වයක පවතින බවත් අනුරුද්ධ පාදෙණිය මහතා පෙන්වා දෙනවා.
දරුවන් වෙත එන්නත් ලබාදීමේ ක්‍රියාදාමය සම්බන්ධයෙන් කිසිදු බියක් නොවීය යුතු බවත් මේ වන විට ලෝකයේ රටවල් රාශියක් දරුවන් හට එන්නත් ලබාදී ඇති හෙයින් එම නිරීක්ෂණ අනුව එන්නත්කරණයේ කිසිදු අහිතකරභාවයක් නොමැති බවත් ඔහු වැඩිදුරටත් සදහන් කරනවා.
ඊයේ (23) ජනාධිපති මාධ්‍ය මධ්‍යස්ථානයේ පැවැති ප්‍රවෘත්ති සාකච්ඡාවකදී අදහස් දක්වමින් විශේෂඥ වෛද්‍ය අනුරුද්ධ පාදෙණිය මහතා පවසා සිටියේ දරුවා වඩාම ආරක්ෂිත නිවසට වඩා පාසලේ දී බවයි.
දරුවන්ගේ මානසික සහ කායික සුරක්ෂිතභාවය සඳහා පාසල් යාමේ වැදගත්කම ජාත්‍යන්තර ආයතන සිය සමීක්ෂණ මගින් පෙන්නුම් කර ඇති හෙයින් ඒ පිළිබඳව සලකා පාසල් විවෘත කිරීම අත්‍යවශ්‍ය බව පාදෙණිය මහතා මෙහිදී පෙන්වා දුන්නාා.
