පකිස්තානයේ අන්තර්ජාල නිදහස කැපී පෙනෙන ලෙස පහළ යමින් ඇති බව අනාවරණය වේ.
ෆ්රීඩම් හවුස් ආයතනය මගින් 2020 වර්ෂයට අදාළව නිකුත් කළ අන්තර්ජාල නිදහස පිළිබද වාර්තාවට අනුව එම වසරේදී ලොව අන්තර්ජාල නිදහස කැපීපෙනෙන ලෙස පහළ ගොස් ඇති රටවල් අතර පකිස්තානය ද වේ.
එම වාර්තාවට අනුව පකිස්තානය සමාජ මාධ්ය ජාලාවලින් සහ අන්තර්ජාල පහසුකම් සපයන ආයතන වෙතින් පරිශිලකයන් ලක්ෂ 5 කගේ පමණ දත්ත ඉල්ලා තිබිණ.
නීතිවිරෝධී බව පවසමින් අන්තර්ජාල අන්තර්ගතයන් අවහිර කිරීම සහ ඉවත් කිරීම ද පකිස්තානය තුළ ඉහළගොස් ඇති අතර ඒ සදහා නව නීති හදුන්වාදීමට යන බවද අදාළ වාර්තාව පෙන්වා දෙයි.
එම වාර්තාවේ වැඩිදුරටත් දැක්වෙන්නේ ඉම්රාන් ඛාන් අගමැතිවරයාගේ නායකත්වයෙන් යුත් ආණ්ඩුව දේශපාලන සමාජ නහ සංස්කෘතික කරුණු ඇතුළත් වෙබ් අඩවි අවහිර කිරීම කැපී පෙනෙන ලෙස සිදුකරමින් ඇති බවයි.