කිරුළපන ප්රදේශයේදී පුද්ගලයෙකු පිහියකින් ඇන ඝාතනය කර තිබෙනවා.
මෙලෙස ඝාතනයට ලක්ව ඇත්තේ 29 හැවිරිදි වියේ පසුවන එම ප්රදේශයේම පදිංචිව සිටි එක්දරු පියෙක්.
ඝාතනය සම්බන්ධයෙන් සැකපිට 32 හැවිරිදි වියේ පසුවන ඔහුගේ සොහොයුරා කිරුළපන පොලීසිය විසින් අත්අඩංගුවට ගෙන ඇති බව වාර්තා වෙනවා.
පොලිස් මූලික විමර්ශනවලදී හෙළි වී ඇත්තේ ඝාතනයට ලක්ව ඇති පුද්ගලයා තදබල ලෙස මත්ද්රව්ය භාවිතයට ඇබ්බැහිව සිටි අයෙකු වන අතර ඔහු සිය මවගෙන් මුදල් ඉල්ලා කරදර කිරීමත් සමඟ ඔහුගේ සහෝදරයා මෙලෙස ඔහුගේ පපු ප්රදේශයට පිහියෙන් ඇන ඇති බවයි.
ඝාතනය සම්බන්ධයෙන් සැකකාර සොහොයුරා අධිකරණය වෙත ඉදිරිපත් කිරීමට නියමිත අතර කිරුළපන පොලීසිය සිද්ධිය සම්බන්ධයෙන් වැඩිදුර විමර්ශන සිදුකරනවා.