කොවිඩ් -19 ආසාදිතයින් පිරිසක් හඳුනාගැනිම හේතුවෙන් පිළියන්දල පොදු වෙළෙඳපොළ නැවත දැනුම් දෙනතුරු වසා දැමීමට තීරණය කර තිබෙනවා.
පිළියන්දල සෞඛ්ය වෛද්ය නිලධාරි කාර්යාලය පවසන්නේ වෙළෙඳපොළේ පුද්ගලයින් සඳහා සිදුකළ PCR පරීක්ෂණවලදී ආසාදිතයින් 101 දෙනෙකු හඳුනාගැනිම හේතුවෙන් එම පියවර ගත් බවයි.
පසුගිය 07 වනදා පුද්ගලයින් 269 දෙනෙකු PCR පරීක්ෂණ සඳහා යොමු කිරීමට සෞඛ්ය අංශ පියවර ගත්තා.
ඒ අනුව පවතින අවධානම් තත්ත්වය හමුවේ පිළියන්දල පොදු වෙළෙඳ සංකීර්ණය අද (09) දිනයේ සිට නැවත දැනුම් දෙනතුරු වසා දැමීමට සෞඛ්ය බලධාරින් හා පිළියන්දල පොලීසිය එක්ව පියවර ගෙන තිබෙනවා.
කෙසේ වෙතත් පිළියන්දල මීට පෙර හුදෙකළා කෙරුණද එය පැය 8 කටත් අඩු කාලයකින් හුදෙකලා බවින් ඉවත් කෙරුණා.