නුවරඑළිය කඳුකරය ආශ්රිතව යළි පිබිඳෙන සංචාරක කාර්මාන්තය පිළිබඳ සොයා බැලීම සඳහා ජනාධිපති රනිල් වික්රමසිංහ මහතා ඊයේ (16) පෙරවරුවේ උඩුපුස්සැල්ලාව වැවිලි සමාගමට අයත් කෝට් ලොජ් වතු යායේ සංචාරයක නිරත වුණා.
මෙහිදී ජනාධිපතිවරයා ‘පිකෝ ට්රේල්’ (Peko Trail) මංපෙත හරහා පාගමනින්ම සංචාරයකටද එක්ව තිබෙනවා.
‘පිකෝ ට්රේල්’ යනු මධ්යම කඳුකරය හරහා දිවෙන කිලෝ මීටර් 300ක පමණ කඳු නැගීමේ මාර්ගයක් වන අතර, එය ආසියාවේ හොඳම රහසිගත මාර්ගවලින් එකක් ලෙස සැලකෙනවා.
බ්රිතාන්ය යටත් විජිත සමයේදී විශාල වතුවල සිට කර්මාන්තශාලා වෙත තේ ප්රවාහනය කිරීම සඳහා භාවිතා කරන ලද මෙම මංපෙත මහනුවර නගරයෙන් ආරම්භ වී දකුණු දෙසින් හැටන් සහ හෝර්ටන් තැන්න ජාතික වනෝද්යානය දෙසට ගමන් කරනවා.
ඉන්පසු එය හපුතලේ සහ ඇල්ල හරහා නැගෙනහිර දෙසට ගමන් කර, සුන්දර නුවරඑළිය නගරය වටා ගමන් කර අවසන් වෙනවා.
මෙම අවස්ථාවට ‘පිකෝ ට්රේල්’ ව්යාපෘතියේ නිර්මාතෘවරයා වන මෙරට මධ්යම කඳුකරයේ වසර ගණනාවක් පුරා කඳු තරණය කළ, ධාවන උපදේශක මිගෙල් කුනාට් මහතාද එක්ව තිබුණා.
ඔහු මෙහිදී අදහස් දක්වමින් කියා සිටියේ, ශ්රී ලංකාව ලෝකයේ හොඳම කඳු නැගීමේ ගමනාන්තයක් ලෙස ජාත්යන්තර සිතියමට එක් කළ හැකි බවයි.
මෙම මාවත ඔස්සේ පා ගමනින් ගමන්කරන කෙනෙක්ට ශ්රී ලංකාව පුරා විවිධ භූමි ප්රදේශ, මෙරට ඉතිහාසය, සංස්කෘතිය, දේශීය ආහාර පාන පිළිබඳ සුවිශේෂී අත්දැකීම් ලබා ගැනීමට අවස්ථාව සැලසෙනවා.
‘පිකෝ ට්රේල්’ සංචාරක මාර්ගය අදියර 22 කින් සමන්විත වන අතර, එය දිනක් හෝ දින ගනණාවක් ගත කළ හැකි සංචාරක අත්දැකීමක්ද වෙනවා.
ත්රාසජනක අත්දැකීම් සොයා යන්නන් වැනි නව සංචාරක භූමිකාවක් ශ්රී ලංකාවට ආකර්ශණය කර ගැනීම හා සහ ග්රාමීය ජනතාවගේ ජීවන තත්ත්වය නගා සිටුවීම මෙම ‘පිකෝ ට්රේල්’ ව්යාපෘතියේ අරමුණ වී තිබෙනවා.