නාගරික සංවර්ධන අධිකාරියට අයත් කොළඹ 07 නිදහස් මාවතේ පිහිටි ’80 Club’ සමාජ ශාලාව යළි ප්රතිසංස්කරණය කිරීමෙන් අනතුරුව අග්රාමාත්ය මහින්ද රාජපක්ෂ මහතා විසින් ඊයේ (21) රාත්රියේ විවෘත කළා.
2020 වසරේදී මෙම ස්ථානය නාගරික සංවර්ධන අධිකාරියට පවරාගැනීමෙන් අනතුරුව 80 Club ආයතනය ප්රතිසංස්කරණය කිරීම සඳහා නාවුක හමුදාවට භාරදී තිබෙනවා.
මහනුවර ක්වීන්ස් හෝටලයේ 80 කාමරයේ සාමාජිකයින් කිහිප දෙනෙකු පළමු රැස්වීම පවත්වා ආරම්භ කිරීම හේතුවෙන් මෙම සමාජයට 80 club යන නම යොදා ඇති බවයි පැවසෙන්නේ.
1971 කැරැල්ල හේතුවෙන් එවකට රජය මෙම භූමිය ශ්රී ලංකා යුද හමුදාවට පවරා දී ඇති අතර නැවතත් 1978 වසරේදී 80 Club සමාජ ශාලාව පවත්වාගෙන යෑමට අවසර ලබාදී තිබෙනවා.
2020 වසරේ එය නාගරික සංවර්ධන අධිකාරියට පවරාගන්නා තුරු මෙම ස්ථානයේ නඩත්තු කටයුතු ඉඩම් ප්රතිසංස්කරණ කොමිසම යටතේ සිදුකර ඇති බව අග්රාමාත්ය මාධ්ය අංශය නිවේදනය කරනවා.
අගමැති මහින්ද රාජපක්ෂ මහතාගේ උපදෙස් මත මෙහි ප්රතිසංස්කරණ කටයුතු නිම කර ඇති අතර එහි පහසුකම් තවදුරටත් වැඩිදියුණු කර වෝටර්ස් එජ් තරු පන්තියේ හෝටල් අත්දැකීමක් ලබාදීමටද කටයුතු කෙරෙනු ඇති.