පකිස්තානයේ අගමැති ෂෙබාස් ෂරීෆ් අඟහරුවාදා පුද්ගලයින් 33කින් යුත් ෆෙඩරල් කැබිනට්ටුවක් පිහිටුවා දිනකට පසුව ප්රධාන අමාත්යාංශ බෙදා හැරීම සම්බන්ධයෙන් පාලක සන්ධානය අතර මතභේදාත්මක තත්ත්වයක් මතුව ඇතැයි වාර්තා වනවා.
මෙම මතභේදාත්මක තත්ත්වය හට ගෙන ඇත්තේ පාලක සභාගයේ ප්රධාන පක්ෂ දෙක වන පකිස්තාන මුස්ලිම් ලීගය-නවාස් (PML-N) සහ පකිස්තාන මහජන පක්ෂය (PPP) අතර කැබිනට් මණ්ඩලය සඳහා ඔවුන්ගේ සාමාජිකයින් තෝරා ගැනීම සහ අමාත්යාංශ බෙදා හැරීම සම්බන්ධයෙනි.
පකිස්තාන අගමැති කාර්යාලයේ (PMO) මූලාශ්රයක් උපුටා දක්වමින් Dawn පුවත්පත වාර්තා කර තිබුණේ PML-N හි කැබිනට් සාමාජිකයින් කිහිප දෙනෙකු තවමත් සලකා බලමින් සිටින බවයි.
මන්ත්රීවරුන් 33 දෙනෙකු විසින් දිවුරුම් දී ඇතත්, එරට කැබිනට් අංශය විසින් නිකුත් කරන ලද නිවේදනයක ෆෙඩරල් අමාත්යවරුන් 26 දෙනෙකු සහ රාජ්ය අමාත්යවරුන් දෙදෙනෙකුගේ නම් ඇතුළත් වූ බව ද එහි සඳහන් විය.
මේ අතර හිටපු පාලක පක්ෂය වූ ටෙහ්රීක්-ඊ-ඉන්සාෆ් පක්ෂය අගමැති ෂරීෆ්ගේ කැබිනට් මණ්ඩල තේරීමට ප්රතිචාර දක්වමින් අලුතින් පත් වූ බොහෝ අමාත්යවරුන් දූෂණ චෝදනාවලට මුහුණ දී ඇප මත සිටින අය බවට චෝදනා කර තිබේ.