දේශපාලඥයෙකු රූපවාහිනී ආයතනයකට කඩා වැදුනු අවස්ථාවේදී එවකට පැවති රජය ඊට නිසි ක්‍රියාමාර්ග නොගත් බව නාගරික සංවර්ධන, අපද්‍රව්‍ය බැහැරලීම හා ප්‍රජා පවිත්‍රතා කටයුතු රාජ්‍ය අමාත්‍ය, ආචාර්ය නාලක ගොඩහේවා මහතා පවසනවා.
හිටපු කම්කරු අමාත්‍ය මර්වින් සිල්වා විසින් ජාතික රූපවාහිනියට කඩා වැදි අවස්ථාවේදී ඊට එරෙහිව එවකට පැවති මහින්ද රාජපක්ෂ රජය ක්‍රියා නොකළ බව සිහිපත් කරන රාජ්‍ය අමාත්‍යවරයා සිය ට්විටර් ගිණුමේ සටහනක් තබමින් වැඩිදුරටත් පවසන්නේ ජනතාව එය යහපත් අයුරින් භාර නොගත් බවයි.
කෙසේ නමුත් වත්මන් ජනාධිපති ගෝඨාභය රාජපක්ෂ මහතා සහ වත්මන් අග්‍රාමාත්‍ය මහින්ද රාජපක්ෂ මහතා අමාත්‍යවරුන්ගේ වුවද පිළිගත නොහැකි ක්‍රියාවලට එරෙහිව ක්ෂණික ප්‍රතිචාර දක්වන බවයි ඔහු පෙන්වා දෙන්නේ.
එමෙන්ම දේශපාලඳයන්ට තමා නීතියට ඉහළින් සිටින බවට සිතීමට ඉඩ නොදිය යුතු බවත් ඔහු පවසනවා.
When a politician broke into a TV station years back, Gvt didn’t take any action and it didn’t go well with the people.But today we are happy to see President and PM responding fast when such unacceptable incidents take place.Politicians should not feel they are above the law.
— Dr Nalaka Godahewa (PhD, MBA,BSc.Eng,FCIM,FCMA) (@GodahewaNalaka) September 16, 2021Trending
