හිටපු බන්ධනාගාර කළමනාකරණය හා සිරකරුවන් පුනරුත්තාපන රාජ්‍ය අමාත්‍ය ලොහාන් රත්වත්තේ විසින් එම බන්ධනාගාරයට ඇතුළු වී ගිනි අවියක් පෙන්වා තමන්ට කිසියම් හිංසාවක් සිදු කිරීම සම්බන්ධව කරුණු දැක්වීම සඳහා අනුරාධපුර බන්ධනාගාරයේ රඳවා සිටින හිටපු එල්.ටී.ටී.ඊ. සිරකරුවන් තමන්ට අමාත්‍ය නාමල් රාජපක්ෂ මහතා හමුවීමට අවශ්‍ය බව දන්වා ඇතැයි පසුගියදා මාධ්‍ය වාර්තා කළා.
මේ සම්බන්ධයෙන් අදහස් දක්වමින් නාගරික සංවර්ධන, අපද්‍රව්‍ය බැහැරලීම හා ප්‍රජා පවිත්‍රතා කටයුතු රාජ්‍ය අමාත්‍ය, ආචාර්ය නාලක ගොඩහේවා මහතා පවසන්නේ එය සෑම දෙනාම විශ්වාස කරන, නැගී එන තරුණ නායකත්වයක ලකුණක් බවයි.
ඒ සිය ට්විටර් ගිණුමේ සටහනක් තබමින්.
රාජ්‍ය අමාත්‍ය ලොහාන් රත්වත්තේගේ ක්‍රියාවන් සම්බන්ධව තවත් ට්විටර් සටහනකින් තදබල ලෙස විවේචනය කළ ඔහු පවසා සිටියේ වත්මන් නායකත්වය අමාත්‍යවරුන්ටද නීතිය ක්‍රියාත්මක කරන බවයි.
රාජ්‍ය අමාත්‍ය නාලක ගොඩහේවා එසේ පැවසුවද ලොහාන් රත්වත්තේ තව දුරටත් රාජ්‍ය අමාත්‍ය ධූරයක රැඳී සිටින අතර ඔහු සම්බන්ධයෙන් නීතිය ක්‍රියාත්මක කිරීමට කවුරුන් හෝ පැමිණිලි කළ යුතු බව මහජන ආරක්ෂක අමාත්‍ය සරත් වීරසේකර පවසා සිටියා.
Prisoners in Anuradhapura requesting a meeting with hon Namal Rajapaksa is a sign of an emerging young leadership trusted by everyone
— Dr Nalaka Godahewa (PhD, MBA,BSc.Eng,FCIM,FCMA) (@GodahewaNalaka) September 16, 2021
