29 C
Colombo
Tuesday, October 4, 2022

රැජිණිට 70 පිරෙද්දී- ෂාරුක් කිව්ව දේ

- Advertisement -

දෙමළ සුපිරි නළු රැජිණිකාන්ත් සිය 70 වැනි උපන්දිනය දෙසැම්බර් 12 වැනිදා සැමරුවා. අවුරුදු 70දීත් සිය තරු ගුණය රඳවාගන්නට සමත් වූ මේ සුවිශේෂී නළුවාට මුළු ඉන්දියාවේම හතර දෙසින් සුභපැතුම් ගලා ආවා.

ඉන්දීය අගමැති නරේන්ද්‍ර මෝඩි, ෂාරුක් ඛාන් ඇතුළු බොහෝ ප්‍රබල චරිත රැජිණිට සුභපැතුවා.

‘වන් ඇන්ඩ් ඔන්ලි තලයිවාගේ, තවත් සුපිරි අවුරුද්දක් ගෙවී ගියා. හොඳ සෞඛ්‍ය සහ සතුට ඔබට ලැබේවා. ඔබට අපි ආදරෙයි.’ රැජිණිට සුභ පැතූ ෂාරුක් එලෙස ලියා තිබුණා.

රැජිණි අවසන් වරට රඟපෑ චිත්‍රපටිය ඩර්බාර්. මෙතෙක් ඔහුගේ නව චිත්‍රපටියක් එළිදක්වා නැහැ. එහෙත් මේ වන විට අන්නාතේ නම් ඔහුගේ අලුත් චිත්‍රපටියට සූදානම් වෙනවාලු. ‘සිරුත්තායි’ සිවා අධ්‍යක්ෂණය කරන එම චිත්‍රපටියේ නයනතාරා, කීර්ති සුරේෂ්, කුෂ්බු සුන්දර් සහ මීනා ප්‍රධාන චරිත රඟපානවා. අනූ ගණන්වල රැජිණිගේ පෙම්වතියන්ට රඟපෑ කුෂ්බු සහ මීනා එහි රඟපෑම විශේෂයි.

සුපුරුදු ලෙස ඔහු මෙතරම් විශේෂ ඇයිදැයි නොදන්නා, ඔහුගේ චිත්‍රපටි නොබලා මතුපිටින් ඔහු ගැන විවේචනය කරන පිරිසත්, දෙසැම්බර් 12 වැනිදා රැජිණි උපහාසයට ලක් කරමින් සමාජ මාධ්‍ය පුරවන්නට දෙවරක් සිතුවේ නෑ.

එහෙත් අවුරුදු හැත්තෑවක් දක්වා ඔහුගේ සිනමා ගමන විශේෂයි. තලපති වැනි අතිවිශිෂ්ඨ සිනමාත්මක චිත්‍රපටිවල සිට, අතිශය ජනප්‍රිය චිත්‍රපටි දක්වා ඔහුගේ සිනමාව විහිදෙනවා. 1975 දී අපේ කලාපයේ විශිෂ්ඨම සිනමාකරුවන් කිහිපදෙනාගෙන් කෙනෙක් වන කේ. බාලචන්දර් සහ කමල් හසන් රැජිණිට කලාත්මක සිනමාවෙන් ඈත්ව ජනප්‍රිය සිනමාවට යන ලෙස යෝජනා කළාලු. අසූ ගණන්වලදී සිනමා වීරයා වූ රැජිණි එදා සිට මේ දක්වා අවුරුදු 40ක් පමණ දෙමළ සිනමාවේ අසහාය අංක එකේ නළුවා විදියට පවතිනවා.

තිරයෙන් පසුපස ඉතා නිහතමානී පුද්ගලයෙකු ලෙස ඔහු ප්‍රකටයි. එමෙන්ම ඉතා ශූර බුද්ධියක් තිබෙන කෙනෙකු ලෙසත් ප්‍රකටයි. 2010 පමණ වෙද්දී ඔහුගේ ජනප්‍රිය ධාරාවේ චිත්‍රපටි අසාර්ථක වුණා. එවැනි පසුබිමක තරුණ, කලාත්මක අධ්‍යක්ෂවරුන් සමග එක්ව කබාලි, කාලා, පේට්ට වැනි චිත්‍රපටි රඟපාමින් තවත් අවුරුදු දහයක් සිනමා වීරයා ලෙස පවතින්නට ඔහු සමත් වුණා.

RECENT ARTICLES - SINHALA

කෝප් කමිටුවෙන් හර්ෂ ඉල්ලා අස්වෙයි

තමන් කෝප් කමිටුවෙන් ඉල්ලා අස්වන බවට සමගි ජනබලවේගය පක්ෂයේ පාර්ලිමේන්තු මන්ත්‍රී හර්ෂ ද සිල්වා මහතා පවසනවා. ට්විටර් පණිවුඩයක් නිකුත්...

Breaking: සුදේව හෙට්ටිආරච්චි ස්වර්ණවාහිනියෙන් ඉල්ලා අස්වෙයි

0
ස්වර්ණවාහිනී නාලිකාවේ විධායක අධ්‍යක්ෂ්‍යවරයා ලෙස කටයුතු කළ සුදේව හෙට්ටිආරච්චි මහතා එම තනතුරින් ඉල්ලා අස්වී තිබෙනවා. ඒ අනුව සිය ඉල්ලා...

අත්‍යාවශ්‍ය සේවා නම් කරමින් රනිල්ගෙන් තවත් ගැසට්ටුවක්

සාමාන්‍ය ජන ජීවිතය පවත්වාගෙන යාම සඳහා අත්‍යවශ්‍ය වන බවට හඳුනාගත් සේවාවන් කිහිපයක් හඳුනාගනිමින් ඒවා සඳහා අතිවිශේෂ ගැසට්ටුවක් නිකුත් වී තිබෙනවා.

RECENT ARTICLES - ENGLISH

Tom Moody and Sri Lanka Cricket to part ways

0
Former Sri Lankan Head Coach Tom Moody, who joined Sri Lanka Cricket once again last year as the director of cricket for...

Temples to switch off lights on Poya Day to protest tariff hike?

0
A proposal has been presented to the Central Province Maha Sangha Sabha to turn off the lights within all temples across the...

Horrific details about captivity of 7 Sri Lankans by Russian soldiers revealed

0
A Ukrainian journalist and the Kharkiv region’s police have disclosed appalling details about the torture the seven Sri Lankans endured while they...