ජනාධිපති රනිල් වික්‍රමසිංහ මහතා අමාත්‍ය ධුර 04ක් සිය භාරයේ තබා ගැනීමට තීරණය කර තිබෙනවා.
ඒ ආණ්ඩුක්‍රම ව්‍යවස්ථාවේ 44/3 ව්‍යවස්ථාවට අනුව අග්‍රාමාත්‍යවරයාගේ අදහස් විමසීමෙන් අනතුරුව මෙම තීරණය ගෙන ඇති බවයි වාර්තා වන්නේ.
මීට අදාළ ගැසට් නිවේදනයට ජනාධිපති ලේකම් සමන් ඒකනායක මහතා විසින් නිකුත් කර තිබෙනවා.
ඒ අනුව මුදල් ආර්ථික ස්ථායිකරණ හා ජාතික ප්‍රතිපත්ති අමාත්‍යංශය, තාක්ෂණ අමාත්‍යංශය, කාන්තා ළමා කටයුතු හා සමාජ සවිබල ගැන්වීමේ අමාත්‍යංශය මෙන්ම ආයෝජන ප්‍රවර්ධන අමාත්‍යංශය ජනාධිපතිවරයා යටතට ගෙන ඇති බවයි වාර්තා වන්නේ.
මෙම අමාත්‍යාංශ 4ට අමතරව ආරක්ෂක අමාත්‍යාංශය ද මේ වන විටත් ජනාධිපතිවරයා යටතේ පවතිනවා.
