ජනාධිපති රනිල් වික්රමසිංහට අවශ්ය එළඹෙන ජනාධිපතිවරණයේදී අනුර කුමාර දිසානායක ජනාධිපති කරවීමට බව පාර්ලිමේන්තු මන්ත්රී ඩිලාන් පෙරේරා මහතා පවසනවා.
අන්තර්ජාල නාලිකාවක් සමඟ පැවති වැඩසටහනකදී ඩිලාන් පෙරේරා මහතා මේ බව සඳහන් කළා.
එහිදී ඩිලාන් පෙරේර මහතා පවසා ඇත්තේ තමාට මෙවර ජනාධිපතිවරණයෙන් කිසිසේත්ම ජයග්රහණය කිරීමට නොහැකි බව රනිල් වික්රමසිංහ මහතා හොඳින් දන්නා බවයි.
ඒ හේතුවෙන්, නැවත බලයට පත් වීමේ අපේක්ෂාවෙන් රට තවත් අඝාදයකට රැගෙන යන කණ්ඩායමක් රටේ භාරකාරීත්වයට පත් වනු දැකීම රනිල් වික්රමසිංහ මහතාගේ අරමුණ වී ඇති බවත් ඩිලාන් පෙරේර මහතා පෙන්වා දෙනවා.
සජබ ප්රමුඛ සන්ධානයක් බලයට පත් වුවහොත් රටේ ඉදිරි ගමන මේ තත්වයෙන්ම පවත්වා ගැනීමට හැකියාව ඔවුන්ට පවතින බවත් ඒ හේතුවෙන් වඩාත් හොඳ විකල්පය අනුර දිසානායක ප්රමුඛ බලවේගයකට රටේ බලය හිමි වීම බව රනිල් වික්රමසිංහ මහතා විශ්වාස කරන බවත් ඩිලාන් පෙරේර මහතා මෙහිදී පවසා තිබෙනවා.
ඔහු තවදුරටත් සඳහන් කර ඇත්තේ අනුර දිසානායක ජනාධිපති ධූරයේ අසාර්ථක වූ පසු රනිල් වික්රමසිංහ රට ගොඩගත් ආකාරය රටේ ජනතාවට ඒත්තු ගැන්වෙන ආකාරයේ ක්රියාදාමයක් සිදුවන අතර ඒ අනුව රනිල් වික්රමසිංහ නැවත මේ රටේ ජනාධිපති ලෙස පත් වීමට අපේක්ශා කරන බවයි.