සිය ආයතනයට ලබා දී ඇති ඉලක්ක මේ වන විටත් සම්පූර්ණ කර ඇති බව භූ විද්යා සමීක්ෂණ සහ පතල් කාර්යාංශය සමඟ පැවති ප්රගති සමාලෝචනයකදී එම නිලධාරීන් පැවසූ බව පරිසර අමාත්ය මහින්ද අමරවීර මහතා පවසනවා.
එහි ආදායම් ඉලක්ක වලින් 87%ක් මේ වන විටත් සම්පූර්ණ කර ඇති බවයි අමාත්යවරයා පවසන්නේ.
“කොවිඩ් මැද්දේ බොහෝ ආයතන වල ඉලක්ක පස්සට යද්දී, භූ විද්යා සමීක්ෂණ සහ පතල් කාර්යාංශය සිය ඉලක්ක පසු කර යන බව පැහැදිළි කරලා ඒ ආදායම් ගැන ඒගොල්ලෝ කරුණු ඉදිරිපත් කරා.
මං ඒගොල්ලොන්ට කිව්වේ ඔය ආදායම් ලබාගෙන ජයග්රහණය කළා වගේම ඕගොල්ලො මැදිහත් වෙලා පරිසරය රකින වැඩපිළිවෙලකුත් හදන්න. මොකද මේ ඉලක්ක යන්නේ ගල් වැඩපොළවල්, පස්, වැලි මේවනේ. මේවා රටට අවශ්ය උනාට යම් පරිසර හානියක් වෙන බවත් අපිට පේනවා.” යැයි ඔහු පවසයි.
ඒ අනුව ගල් වැඩපොළවල් සංරක්ෂණය කිරීමටත්, නැවත වන වගාවටත් භූ විද්යා සමීක්ෂණ සහ පතල් කාර්යාංශය මැදිහත් වනු ඇතැයි තමා අපේක්ෂා කරන බව පරිසර අමාත්යවරයා පවසනවා.