ජනාධිපති ලේකම් සමන් ඒකනායක මහතා විසින් ඉන්දියාවේ සිටින ශ්රී ලාංකික සරණාගතයින් නැවත මෙරටට ගෙන්වා ගැනීමට අදාළ කටයුතු සිදුකිරීම සඳහා නව කමිටුවක් පත්කර ඇති බව ජනාධිපති මාධ්ය අංශය ප්රකාශ කරනවා.
මෙම කමිටුවේ ප්රධානත්වය ජනාධිපති අතිරේක ලේකම් චන්දිමා වික්රමසිංහට හිමිව තිබෙනවා.
එහි සෙසු සාමාජිකයන් විගමන පාලක ජනරාල්, විදේශ කටයුතු අමාත්යාංශය, රෙජිස්ටර් ජනරාල් දෙපාර්තමේන්තුව සහ අධිකරණ අමාත්යාංශයේ ජ්යෙෂ්ඨ නිලධාරීන්ගෙන් සමන්විත වේ.
යුද්ධය හේතුවෙන් සරණාගතයින් ලෙස ඉන්දියාවට ගොස් සිටින ශ්රී ලාංකිකයන් නැවත ගෙන්වා ගැනීම සඳහා “ඊළාම් සරණාගතයින් පුනරුත්ථාපනය සඳහා වූ සංවිධානයේ” (OFERR) ඉල්ලීම පරිදි ජනාධිපති ලේකම් සමන් ඒකනායක මහතාගේ ප්රධානත්වයෙන් ජනාධිපති කාර්යාලයේ දී අද (05) පැවැති සාකච්ඡාවේදි මෙම තීරණයට එළැඹිණි.
ඉන්දියාවේ තමිල්නාඩු ප්රාන්තයේ වෙසෙන ශ්රී ලාංකිකයන් 58,000ක් පමණ මේ වන විට සරණාගතයින් ලෙස රැඳී සිටින අතර එම පිරිස අතරින් 3800ක් පමණ ශ්රී ලංකාවට නැවත පැමිණීමට සූදානමින් සිටින බවත් එහිදී සඳහන් විය.
මේ වෙනුවෙන් චෙන්නායි පිහිටි ශ්රී ලංකා නියෝජ්ය මහකොමසාරිස් කාර්යාලය අවශ්ය කටයුතු සම්පාදනය කිරීමට නියමිතය.
රාජ්ය පරිපාලන අමාත්යාංශයේ ලේකම් එම්.එම්.පී.කේ. මායාදුන්නේ, විදේශ කටයුතු අමාත්යාංශයේ ලේකම් අරුණි විජේවර්ධන, අධිකරණ අමාත්යාංශයේ සහ ආගමන විගමන දෙපාර්තමේන්තුවේ නිලධාරීහූ හා ඊළාම් සරණාගතයින් පුනරුත්ථාපනය සඳහා වූ සංවිධානයේ (OFERR) සී.එස් චන්ද්රහසන්, එස්. සූරියකුමාරී යන මහත්වරු ඇතුළු පිරිසක් මෙම අවස්ථාවට එක්ව සිටියහ.